1. Beroketa
Taldekatzeka
Maila: L.H. 3, 4, 5, 6
Taldekatzea: Talde osoa
Eremua: 15x15
Denbora: 5-8 min
Materiala: 4 baloi
Jarraibideak:
- Partaide guztiak eremu mugatuan paseak eginez mugituko dira.
- Begiraleak “2, 3, 4 edo 5” esatean, partaideek entzundako kopuruaren araberako taldeak osatu behar dituzte.
Aldaerak:
- Espazioa murriztuz (10 x 10 adibidez) zailtasuna igo daiteke.
- Taldeak osatu ondoren, beraien artean paseak egin beharko dituzte, beste taldekoek baloia kendu arte eta espazio mugatutik urrunduz.
2. Beroketa
Uztaietara
Maila: L.H. 3, 4, 5, 6
Taldekatzea: Talde osoa
Eremua: Zelai erdia (20x20)
Denbora: 5-8 min
Materiala: 4 baloi eta 4 uztai
Jarraibideak:
- Begiraleak espazio mugatutik 10 metrotara 3 uztai jarriko ditu eta haur bakoitzari zenbaki bat emango dio.
- Haurrak espazio mugatuan (arean) beraien artean baloia pasatzen arituko dira.
- Lau zenbaki esatean, zenbaki horiek dituzten lau partaideak eremu mugatutik atera eta baloia gidatuz uztai barruan utzi beharko dute (bat kanpoan gelditzen delarik) eta eremura itzuli.
- Beste lau zenbaki esatean, haurrak uztaietara joan eta baloiak eremura itzuli beharko dituzte.
Aldaerak:
- Berdina, baina begiraleak lau zenbaki esan beharrean, bi zenbaki pare esango ditu (1 eta 4, 2 eta 6…) eta bikoteak paseak eginez egin beharko dute ariketa.
3. Beroketa
Peleren eskailera
Maila: L.H. 3, 4, 5, 6
Taldekatzea: Hiruko taldeak
Eremua: Area
Denbora: 5-8 min
Materiala: 4 baloi
Jarraibideak:
- Begiraleak hiruko taldeak egingo ditu.
- Peleren eskailera egingo dute ondoren: taldekide batek baloia eskuetan hartu, belaunarekin jo eta berriro eskuetan hartuko du. Gero, berdina baina oinarekin. Bukatzeko, eskuetatik belaunera, hortik oinera eta handik berriro eskura eramango du. Txandaka taldekide guztiek egingo dute eskailera.
Aldaerak:
- Eskailera egiterakoan zailtasunak sar daitezke gorputzeko beste atal batzuk sartuz, sorbalda eta burua adibidez.
4. Beroketa
Komekokos
Maila: L.H. 3, 4, 5, 6
Taldekatzea: Talde osoa
Eremua: Zelai osoa
Denbora: 5-8 min
Materiala: 2 edo 4 baloi, petoak
Jarraibideak:
- Begiraleak bi harrapatzaile izendatuko ditu eta petoa jantzaraziko die.
- Haurrak zelaiko marren gainean bakarrik mugitu daitezke. Harrapatzaileek iheslariak harrapatzen saiatuko dira. Iheslari guztien artean 2 baloi izango dituzte elkarri paseak egin eta gidatzeko. Baloia daraman iheslaria ezingo da harrapatua izan.
- Iheslari bat harrapatua izatean, harrapatzaile izatera pasatzen da.
Aldaerak:
- Berdina baina harrapatzaile eta baloi kopurua igoz.
5. Beroketa
Harrapatzekoa
Maila: L.H. 3, 4, 5, 6
Taldekatzea: Talde osoa
Eremua: Zelai erdia
Denbora: 5-8 min
Materiala: 4 baloi
Jarraibideak:
- Begiraleak harrapatzaile bat izendatuko du (Ya! esatean azkena esertzen dena adibidez).
- Iheslariek 4 baloiak mantendu beharko dituzte paseak eginez. Harrapatzaileak ezingo dio baloia duenari harrapatu.
- Iheslari bat harrapatua izatean, harrapatzaileari eskua eman eta kate bat osatuz besteak harrapatzen jarraituko dute. Gehienez 3 laguneko katea osatuko dute. 4 laguneko katea sortzean 2 bikote harrapatzailetan banatuko dira.
Aldaerak:
- Baloi kopurua gehitu edo gutxituko da, iheslariei edo harrapatzaileei zailtasun edo erraztasunak emanez.
6. Beroketa
Azeri buztana
Maila: L.H. 3, 4, 5, 6
Taldekatzea: Talde osoa
Eremua: Zelai erdia
Denbora: 5-8 min
Materiala: 4 baloi, 4 uztai, taldekide bakoitzarentzat peto edo zapi bana
Jarraibideak:
- Begiraleak 4 uztaiak eremuan zehar banatzen ditu.
- Haur bakoitzak ipurtaldean buztana jarriko du petoa galtzatan sartuz.
- Beraien artean paseak egiten dabiltzala lagunari buztana kentzea da helburua, baina baloia duenari ezingo zaio kendu.
- Buztanik gabe geratzen dena, uztai barrura sartuko da. Uztaitik irteteko, beste lagun batek buztana eman diezaioke edota uztai barrutik beste bati kendu behar dio.
Aldaerak:
- Baloi eta uztai kopurua gutxitu.
7. Beroketa
Armiarma
Maila: L.H. 3, 4, 5, 6
Taldekatzea: Bi edo hiruko taldeak
Eremua: Zelai osoa
Denbora: 5-8 min
Materiala: 4 baloi
Jarraibideak:
- Begiraleak bi edo hiruko taldeak egingo ditu eta harrapatzaile bat, armiarma izango dena, izendatuko du. Armiarma zelaiaren erdiko marraren gainean jarriko da eta marraren gainean bakarrik mugitu ahal izango du (ezker-eskuin).
- Besteak, ate bateko marraren gainetik abiatuz, baloia beste ateraino eramaten saiatuko dira taldekideen artean paseak eginez eta armiarma baloia kentzen saiatzen den bitartean.
- Armiarmak talde bati baloia moztean, pasea egin duena armiarma bihurtzen da, armiarma kopurua igoz.
Aldaerak:
- Taldekideen arteko distantzia muga jarri, pase laburragoak egiteko.
8. Beroketa
Bat, bi, hiru, lau, txoriak esnatu nau!
Maila: L.H. 3, 4, 5, 6
Taldekatzea: Talde osoa
Eremua: Zelai erdia
Denbora: 5-8 min
Materiala: 4 baloi
Jarraibideak:
- Begiraleak bi edo hiruko taldeak egingo ditu eta haur bat izendatuko du eta hau paretari begira jarriko da. “Bat, bi, hiru, lau, txoriak esnatu nau!” esaten duen bitartean paretari begira egon behar du.
- Besteak, zelai erdiko marraren gainetik abiatuz, baloia hormaraino eramaten saiatuko dira taldekideen artean paseak eginez eta harrapatzaileak ikusi gabe.
- Harrapatzaileak “Bat, bi, hiru, lau, txoriak esnatu nau!” esan ondoren, haurren bat mugimenduan harrapatzen badu, talde osoa hasierarako marrara itzuliko da.
Aldaerak:
- Talde bakoitzeko baloi bat gehitu.
10. Beroketa
Oiloak, sugeak eta azeriak
Maila: L.H. 3, 4, 5, 6
Taldekatzea: Talde hirutan zatitu
Eremua: Zelai erdia
Denbora: 5-8 min
Materiala: 3 baloi
Jarraibideak:
- Begiraleak 10-12 metroko distantzian hiru eremu mugatuko ditu eta hiru talde egingo ditu: oiloak, sugeak eta azeriak. Talde bakoitzak baloi bat eta eremu mugatua izango du etxe moduan.
- Helburua baloia eraman edo paseak egin bitartean, beste animaliak harrapatzea da: oiloak sugea jaten du, sugeak azeria eta azeriak oiloa. Baloia daukana ezin daiteke harrapatua izan.
- Harrapatuak izatean, harrapatzailearen etxean sartu beharko dute.
- Bakoitzak bere taldeko animaliak askatu ditzake, bestearen etxera joan eta eskua emanez.
10. Beroketa
Tunelak
Maila: L.H. 3, 4, 5, 6
Taldekatzea: Lauko taldeak
Eremua: Zelai erdia
Denbora: 5-8 min
Materiala: 3 baloi
Jarraibideak:
- Begiraleak lauko taldeak egingo ditu.
- Taldeak atearen marraren gainetik abiatuz, zelai erdiraino iritsi beharko dute baloia tuneletik pasaz. Tunela egiteko haurrek hankak zabalduko dituzte.
- Azkena dagoen haurrak baloia lehenengoaren pareraino eramango du eta besteen hanka tartetik azkeneko taldekideari pasako dio eta bera aurrenengo postuan jarriko da hankak zabalduz.
- Baloia azkeneko lagunarenganaino iritsi arte, saiakerak egiten jarraitu beharko dute eta ezingo dute aurrera egin.
Aldaerak:
- Berdina baina taldekide kopurua aldatuz.