1. Joko erreala
Guztiok ukitu ondoren gola
Maila: L.H. 3, 4, 5, 6
Taldekatzea: 2 talde
Eremua: Zelai osoa
Denbora: 5-8 min
Materiala: Baloi bat
Jarraibideak:
- Begiraleak bi talde egingo ditu eta talde bakoitza zelai erdi batean kokatuko da. Talde bakoitzetik partaide bat beste zelai erdira pasako da defentsa lanetan aritzeko.
- Talde bat hasiko da jolasean. Taldeko partaide guztiek baloia ukitu ondoren eta aurkari bat izanda, beraien zelai erdiko atean gola sartzen saiatuko dira. Gola sartu ondoren, beste zelai erdian dagoen taldeari pasako diote baloia, hango aurkariak baloirik ukitu gabe. Hori lortzen badute, paseak egin dituen taldeak puntu bat lortuko du.
- Talderen batek 3 puntu lortzen dituenean, beste taldeko bi lagun defentsa lanetan aritu diren partaideekin trukatuko dira.
Aldaerak:
- Gola sartu ordez, zuzenean aurkariei pasa baloia, errazago izateko.
2. Joko erreala
Atetxoetatik pasaz
Maila: L.H. 3, 4, 5, 6
Taldekatzea: 2 talde
Eremua: Zelai osoa
Denbora: 5-8 min
Materiala: Baloi bat eta 2 peto
Jarraibideak:
- Begiraleak bi talde egingo ditu eta beste bi komodin izendatuko ditu. Komodinek petoak jantziko dituzte.
- Begiraleak konoekin zelaian zehar 2 metroko atetxoak kokatuko ditu, zelaiaren erdialdean zein izkinetan jarriz.
- Helburua beste taldearen ate handian gola sartzea izango da. Hori egin ahal izateko, derrigorrezkoa izango da taldeko partaide guztiek baloia ukitzea eta gainera, begiraleak sortutako atetxoren batetik baloia pasatzea. Laguntzak emateko zelaian zehar 2 komodin egongo dira. Komodin hauek beti baloia daukaten taldekoei laguntzen egongo dira.
- Baldintza guztiak beteta, gola sartzen duen taldeak puntu bat lortuko du. Talderen batek 3 puntu lortzen dituenean, beste taldeko bi lagun komodin lanetan aritu diren partaideekin trukatuko dira.
Aldaerak:
- Komodin kopurua alda daiteke.
- Baloia denek ukitzearen baldintza kendu edo alda daiteke.
3. Joko erreala
Futbolina
Maila: L.H. 3, 4, 5, 6
Taldekatzea: 3 talde + 2 defentsa
Eremua: Zelai osoa
Denbora: 5-8 min
Materiala: Baloi bat eta 12 txino
Jarraibideak:
- Begiraleak zelaia hiru gunetan banatuko du eta elkarren ondoan dauden guneak bereiziz, bi pasillo sortuko ditu txinoen bitartez.
- Begiraleak bi defentsa izendatuko ditu eta gainontzekoak hiru taldetan banatuko ditu. Talde bakoitza gune batean kokatuko da eta tarteko pasilloetan defentsak kokatuko dira. Inork ezingo du bere gunetik irten.
- Helburua baloia hurrengo guneko taldeari pasatzea izango da, defentsak baloia ukitu gabe. Hori egin ahal izateko, derrigorrezkoa izango da taldeko partaide guztiek baloia ukitzea.
- Baldintza beteta, baloia beste gunera pasatzea lortzen duen taldeak puntu bat lortuko du. Talderen batek 6 puntu lortzen dituenean, beste taldeko bi lagun defentsa lanetan aritu diren partaideekin trukatuko dira.
Aldaerak:
- Defentsa kopurua alda daiteke.
- Baloia denek ukitzearen baldintza kendu edo alda daiteke.
4. Joko erreala
Marra pasa eta baloia gelditu
Maila: L.H. 3, 4, 5, 6
Taldekatzea: 2 talde + 2 komodin
Eremua: Zelai osoa
Denbora: 5-8 min
Materiala: Baloi bat
Jarraibideak:
- Begiraleak bi komodin izendatuko ditu eta gainontzekoekin bi talde egingo ditu.
- Zelaiko ateak erabili beharrean, helburua baloiak zelai bukaerako marra igaro ondoren baloia geratzea izango da. Horretarako baloiaren jabetza duen taldeak bi komodinen laguntza izango du.
- Golak balio izateko, marra pasa aurretik, taldekide guztiek ukitu beharko dute baloia.
- Talderen batek 3 puntu lortzen dituenean, beste taldeko bi lagun komodin bezala aritu diren partaideekin trukatuko dira.
Aldaerak:
- Komodin kopurua alda daiteke.
- Baloia denek ukitzearen baldintza kendu edo alda daiteke.
5. Joko erreala
Partidua 3 atetan
Maila: L.H. 3, 4, 5, 6
Taldekatzea: 2 talde
Eremua: Zelai osoa
Denbora: 5-8 min
Materiala: Baloi bat
Jarraibideak:
- Begiraleak atezain bat izendatuko du eta gainontzekoak bi taldetan banatuko ditu. Zelai erdiko biribilaren gainean 3 kono jarriko ditu 3 ate sortuz.
- Taldeek, zelai erdiko biribilaren inguruan jolastuko dute eta ezingo dira barrura sartu. Helburua, biribilean sortutako eta atezain neutral batek zaindutako ateren batean gola sartzea izango da.
- Gola sartzen duen taldeak puntu bat lortuko du. Orduan, baloia beste taldeari pasa eta defentsa lana egin beharko du. Atezainak baloia gelditzen duenean, talde defendatzaileari pasako dio eta hau erasotzaile bihurtuko da. Defentsan dagoen taldeak baloia lapurtuz gero, baloia area batera eraman beharko du erasotzen hasi aurretik. Hau da, ezingo du baloia lapurtu eta zuzenean atera bota.
- Talderen batek 3 puntu lortzen dituenean, beste taldeko lagun bat atezain lanetan aritu den partaideekin trukatuko da.
Aldaerak:
- Atezain kopurua alda daiteke.
6. Joko erreala
Denak beste zelaira
Maila: L.H. 3, 4, 5, 6
Taldekatzea: 2 talde + 2/3 komodin
Eremua: Zelai osoa
Denbora: 5-8 min
Materiala: Baloi bat
Jarraibideak:
- Begiraleak bi edo hiru komodin izendatuko ditu eta gainontzekoak bi taldetan banatuko ditu.
- Komodinen laguntzarekin, helburua aurkariaren atean gola sartzea izango da. Horretarako derrigorrezkoa izango da gola sartzerako unean taldekide guztiak (komodinak barne) aurkariaren zelaian egotea.
- Talderen batek 3 puntu lortzen dituenean, beste taldeko bi edo hiru lagun komodin bezala aritu diren partaideekin trukatuko dira.
Aldaerak:
- Komodin kopurua alda daiteke.
- Gola sartu aurretik taldekide guztiek ukitu beharko dute baloia.
7. Joko erreala
Bikoteka
Maila: L.H. 3, 4, 5, 6
Taldekatzea: 2 talde
Eremua: Zelai osoa
Denbora: 5-8 min
Materiala: Baloi bat
Jarraibideak:
- Begiraleak bi talde egin eta bikoteka jarriko ditu.
- Bata bestearen aurka jolastuko dute baina jokalariak binaka elkarri eskua emanda egon behar dira uneoro.
- Gola sartzen duen bikotea banandu egingo da eta bikoteko kide bakoitza bere kabuz ibili ahal izango da.
- Taldeko partaide guztiak bananduta daudenean bukatzen da jolasa.
Aldaerak:
- Gola sartu arren, elkarri eskutik helduta jarraitu beharko dute.
8. Joko erreala
Komodinarekin
Maila: L.H. 3, 4, 5, 6
Taldekatzea: 2 talde
Eremua: Zelai osoa
Denbora: 5-8 min
Materiala: Baloi bat
Jarraibideak:
- Begiraleak komodin bat izendatuko du eta gainontzekoak bi taldetan banatuko ditu.
- Bata bestearen aurka jolastuko dute baina komodina beti baloia daukan taldearekin ariko da; hartara, erasoan ari den taldeak jokalari bat gehiago izango du beti.
- Talderen batek 3 puntu lortzen dituenean, beste taldeko lagun bat komodin moduan aritu den partaideekin trukatuko da.
Aldaerak:
- Komodin kopurua alda daiteke.
- Gola sartu aurretik taldekide guztiek ukitu beharko dute baloia.
9. Joko erreala
3 talde 2 ateetan
Maila: L.H. 3, 4, 5, 6
Taldekatzea: 3 talde
Eremua: Zelai osoa
Denbora: 15 min
Materiala: Baloi bat
Jarraibideak:
- Begiraleak hiru talde egingo ditu. Konoen bitartez, zelai erdi parean, ate nagusien elkartzut eta zelaiaren mugen gainean beste bi ate sortuko ditu. Hau da, zelaian 4 ate egongo dira guztira.
- Talde bat defentsa lanetan arituko da eta zelaiko 4 ateak defendatuko ditu. Beste bi taldeak erasoan. Hau da, 4 defentsa eta 8 erasotzaileko egoera sortuko da. Erasotzaileak 5 minututan ahalik eta gol gehien sartzen saiatuko dira.
- Defendatzaileek ezingo dute ateazainaren lana egin, atetik ateratzera derrigortuta daude.
- Taldeak rolak aldatuko dituzte 5 minututik behin eta gol gehien sartzen duen taldeak irabaziko du.
Aldaerak:
- Ate kopurua gutxitu daiteke.
- Denbora moztu edo luza daiteke.
10. Joko erreala
Laguntzak
Maila: L.H. 3, 4, 5, 6
Taldekatzea: 2 talde + 2 laguntzaile
Eremua: Zelai osoa
Denbora: 5-8 min
Materiala: Baloi bat
Jarraibideak:
- Begiraleak bi laguntzaile izendatuko ditu eta gainontzekoak bi taldetan banatuko ditu.
- Bata bestearen aurka jolastuko dute baina baloiaren jabetza duen taldeak zelaiaren kanpo aldean laguntzaileak izango ditu. Kanpoko kideak zeharka mugituko dira eta laguntzak eskainiko dizkiote barruko taldekideei.
- Talderen batek 3 puntu lortzen dituenean, beste taldeko bi lagun laguntzaile lanetan aritu diren partaideekin trukatuko dira.
Aldaerak:
- Laguntzaile kopurua alda daiteke.
- Baldintzak jarri daitezke: ukitu kopurua mugatuz, bi aldiz jarraian kide berarekin jokatzea eragotziz, taldekide guztiek baloia ukitzera behartuz…