1. Gidaketa
Lokotxak
Maila: L.H. 3, 4, 5, 6
Taldekatzea: Hiruko taldeak
Eremua: Zelai erdia
Denbora: 5-8 min
Materiala: 4 baloi, txinoak eta uztaiak
Jarraibideak:
- Begiraleak hiruko taldeak egingo ditu eta talde bakoitzarentzat uztai ilara bat jarriko du.
- Haur bakoitzak, txandaka, txino bat eskuan harturik eta baloia eramanez, uztai batean utzi behar du txinoa eta berriro baloiarekin taldekideengana itzuli erreleboa emanez.
- Uztai guztiak betetzen dituztenean, berdina egingo dute baina oraingoan txinoak jasoaz.
Aldaerak:
- Uztai eta txino kopurua aldatu daiteke zailtasunaren arabera.
2. Gidaketa
Txinoak jasotzen
Maila: L.H. 3, 4, 5, 6
Taldekatzea: Hiruko taldeak
Eremua: Zelai erdia
Denbora: 5-8 min
Materiala: 4 baloi, txinoak eta 8 uztai
Jarraibideak:
- Begiraleak hiruko taldeak egingo ditu eta talde bakoitzarentzat txino ilara bat jarriko du, hasiera eta bukaeran uztai bana jarriz.
- Haurrak baloia eramaten duen bitartean lurreko txino bat eskuan hartu eta beste aldeko uztaiaren barruan utzi ondoren, hasierara itzuli behar du, hurrengo taldekideari erreleboa emanez.
- Txino guztiak uztai barruan sartzen dituztenean, txandaka baloiarekin uztai horretaraino joango dira, txino bat hartu eta hasierako uztai barruan jasoko dituzte.
Aldaerak:
- Txino kopurua aldatu daiteke zailtasunaren arabera.
3. Gidaketa
Txakurrak eta katuak
Maila: L.H. 3, 4, 5, 6
Taldekatzea: 2 talde
Eremua: Zelai osoa
Denbora: 5-8 min
Materiala: 2 baloi eta 4 uztai
Jarraibideak:
- Begiraleak bi uztai jarriko ditu zelaiaren bi aldeetan eta bi talde egingo ditu, katuak eta txakurrak.
- Zelai erdiko marraren alde bakoitzean talde bat kokatuko da eta talde bakoitzaren aurrean baloi bat jarriko da uztai baten barruan. Taldekide bakoitzari zenbaki bat emango zaio.
- Begiraleak “2, txakurra” esatean, txakurren taldeko zenbaki hori duen partaidea korrika irtengo da bere aldean dagoen baloiaren bila eta pareko beste uztaira eramango du, zenbaki berdina duen katua hori oztopatzen saiatzen den bitartean.
- Begiraleak aipatzen duen animalia, baloia uztai batetik bestera eramango du, besteak gidaketa oztopatzen dion bitartean.
4. Gidaketa
Painuelitoka
Maila: L.H. 3, 4, 5, 6
Taldekatzea: 2 talde
Eremua: Zelai osoa
Denbora: 5-8 min
Materiala: 2 baloi eta 6 uztai
Jarraibideak:
- Begiraleak zelai erdian 4 uztai jarriko ditu. Bi talde egin eta zelaiaren bi ertzetan kokatuko ditu eta beraien aurrean uztai bat jarriko du baloi batekin. Taldekide bakoitzari zenbaki bat emango dio.
- Begiraleak zenbaki bat esatean, zenbaki hori duten bi taldetako partaideak baloia hartu eta erdian dauden uztairen batean utziko dute baloia eta hasierako lekura itzuliko dira.
- Hurrengo zenbakia esatean, partaideak erdiko uztaietako baloia hartu eta taldeko uztaira ekarri beharko du.
- Kasu bakoitzean, lehenengo iristen den lagunaren taldeak puntu bat jasoko du.
5. Gidaketa
Zig-zagean
Maila: L.H. 3, 4, 5, 6
Taldekatzea: Hiruko taldeak
Eremua: Zelai erdia
Denbora: 5-8 min
Materiala: 4 baloi, 8 uztai eta txinoak
Jarraibideak:
- Begiraleak hiruko taldeak egingo ditu eta talde bakoitzarentzat txino ilara bat jarriko du, hasiera eta bukaeran uztai bana jarriz. Talde bakoitzaren aurreko uztaiaren barruan baloi bat utziko du.
- Haurrak baloia uztaitik jaso eta txinoetan zig-zagak eginez beste aldeko uztaiaren barruan utzi eta hasierara itzuli behar du, hurrengo taldekideari erreleboa emanez.
- Hurrengoak beste aldeko uztaira korrika joan eta zig-zagean ekarriko du baloia hasierarako uztaian utziz eta erreleboa emanez.
- Partaide bakoitzak bi edo hiru aldiz egin ditzake joan-etorriak.
Aldaerak:
- Uztai eta txinoen arteko distantzia aldatzeak, jolasaren zailtasunean eragina izango du.
6. Gidaketa
Uztaiak karratuan
Maila: L.H. 3, 4, 5, 6
Taldekatzea: Hiruko taldeak
Eremua: Zelai erdia
Denbora: 5-8 min
Materiala: 4 baloi eta 8 uztai
Jarraibideak:
- Begiraleak hiruko taldeak egingo ditu eta talde bakoitza zelai erdiaren lau izkinetan kokatuko du, karratu bat osatuz eta talde bakoitzaren parean uztai bat baloi banarekin jarriz. Karratuaren erdian beste lau uztai jarriko ditu.
- Haurrak txandaka baloia uztaitik jaso, erdiko uztaiaren barruan utzi eta hasierara itzuli behar du, hurrengo taldekideari erreleboa emanez. Hurrengoak erdiko uztaira korrika joan, baloia hasierarako uztaian utzi eta erreleboa emango du.
- Horrela, nahi adina joan-etorri eginez.
Aldaerak:
- Uztaien arteko distantzia eta joan-etorri kopurua alda daiteke.
7. Gidaketa
Bikoteen gidaketa
Maila: L.H. 3, 4, 5, 6
Taldekatzea: 2 talde
Eremua: Zelai osoa
Denbora: 5-8 min
Materiala: 4 baloi eta 4 uztai
Jarraibideak:
- Begiraleak bi talde egin eta zelaiaren bi ertzetan kokatuko ditu eta beraien aurrean bi uztai jarriko ditu baloi banarekin. Taldekide bakoitzari zenbaki bat emango dio.
- Begiraleak bi zenbaki esango ditu eta zenbaki hori duten bi taldetako partaideak baloia hartu, aurkariaren atetik pasa eta haien uztai barruan utziko dute baloia eta hasierako lekura itzuliko dira.
- Lehenengo iristen den bikotearen taldeak puntu bat jasoko du.
8. Gidaketa
Borobilean
Maila: L.H. 3, 4, 5, 6
Taldekatzea: Talde osoa
Eremua: Zelai erdia
Denbora: 5-8 min
Materiala: 4 baloi, 3 kolore ezberdinetako 12 uztai eta 4 txino
Jarraibideak:
- Begiraleak uztaiak borobilean jarriko ditu eta erdian 4 txinoekin egindako karratu bat osatuko du. Karratu barruan 4 baloi jarriko ditu.
- Haurrak borobilaren inguruan biraka hasiko dira. Begiraleak “Geldi, gorria!” esatean, parean uztai gorria duten haurrak erdiko baloi bat hartu, beraien uztaitik pasa eta buelta osoa eman beharko dute baloia gidatuz. Berriro uztaira itzultzean, erdiko karratuaren barruan baloia utzi eta beraien lekura itzuliko dira.
- Bira ematen duten bitartean, gainontzeko partaideak uztai barruan egongo dira gidaketa ez oztopatzeko.
Aldaerak:
- Borobilaren tamaina alda daiteke.
9. Gidaketa
Hanka-tartetik
Maila: L.H. 3, 4, 5, 6
Taldekatzea: Biko taldeak
Eremua: Zelai erdia
Denbora: 5-8 min
Materiala: 4 baloi, 4 uztai eta 6 txino
Jarraibideak:
- Begiraleak txinoak borobilean jarriko ditu eta erdian 4 uztaietan baloi bana.
- Txino bakoitzaren parean bikote bat kokatuko da. Bikoteko bat hankak ondo zabalduta eta bestea bere atzean.
- Begiraleak “ya!” esatean, atzean dauden haur guztiak borobilaren kanpotik buelta osoa eman ondoren, lagunaren hanka tartetik pasa eta erdiko baloi bat hartzen saiatuko dira. Baloia hartzen dutenak, lagunarenganaino gidatu beharko dute.
Aldaerak:
- Baloia erditik jaso ondoren, lagunarenganaino bakarrik gidatu ordez, baloiarekin beste buelta bat emanarazi daiteke, baloia berriro erdian utzi arte.
10. Gidaketa
Diagonalaren bila
Maila: L.H. 3, 4, 5, 6
Taldekatzea: 2 talde
Eremua: Zelai erdia
Denbora: 5-8 min
Materiala: 4 baloi eta 4 txino
Jarraibideak:
- Begiraleak bi talde egingo ditu eta zelai erdiaren lau izkinetan txino bana kokatuko du, karratu bat osatuz. Izkina bakoitzean baloi bat jarriko du.
- Talde bakoitzeko hiru lagun karratuaren izkina batean egongo dira, diagonalean daudenak, talde berdineko partaideak izanik.
- Begiraleak “ya!” esatean, izkina bakoitzetik haur bat baloiarekin irtengo da. Karratuaren kanpo-aldetik eramango du baloia, diagonalen dagoen bere taldekide bati eman arte.
- Partaide bakoitzak karratu osoari bi buelta eman beharko dizkio.
Aldaerak:
- Lau baloi izan beharrean, jolasa erraztu daiteke bi baloi bakarrik erabiliz.
- Buelta kopurua ere aldatu daiteke.