1. Botea
Bote laterala
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 8 min
Materiala: 4 baloi eta 2 kono
Jarraibideak:
- Haurrak 6,25metroko marra jarraituaz bote laterala landuko dute.
- Ilaran kokatuko dira eta tiro libreko altuerara iristean sarrera bat egingo dute, begiraleak aginduko du ezkerretik edo eskuinetik.
- Ondoren beste aldera joango dira, honela bote laterala bi eskuekin landuko dute.
Aldaerak:
- Begiraleak ba esatean bi bote aurrera eta beste bi atzera egingo dituzte, ondoren bote lateralarekin jarraituz.
2. Botea
Kontuz bonbekin
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 10 min
Materiala: 6 baloi eta 6 kono
Jarraibideak:
- Kantxa erdian zehar 6 kono banaturik egongo dira.
- Jokalariak 3 konoren aurretik pasatzean esku aldaketa egin beharko dute, konoak ukitu gabe.
- 3 konoei iskintxoa egin ostean sarrera bat egingo dute eta ondoren baloia taldekide bati pasa.
Aldaerak:
- Esku aldaketa desberdinak egin zailtasunen arabera: aurretik, atzetik, hanka azpitik, errebertsoak…
3. Botea
Markoa margotu
Maila: L.H. 3, 4, 5, 6
Taldekatzea: Lauko taldeak
Eremua: Kantxa erdia
Denbora: 8 min
Materiala: 3 baloi eta 12 kono
Jarraibideak:
- Talde bakoitzak konoekin osatutako karratu bat izango du ariketa burutzeko. Karratuaren alde bakoitzean baloiarekin egindako desplazamenduak desberdinak izango direlarik.
- Lehenengo konotik bigarrengora botea laterala izango da. Bigarrengotik hirugarrengora aurreranzko botea egingo da. Hirugarrengotik laugarrengora botea berriz laterala izango da baina beste eskuarekin. Laugarrengotik aurrenengora atzeranzko botea erabiliko da.
- Taldeko kide bakoitzak hau bi aldiz egingo du, txandakatuta.
- Talderik azkarrena zein den baloratuko da.
Aldaerak:
- Botearen altuera zehaztu: handia, oso txikia, normala…
4. Botea
Ate librea
Maila: L.H. 3, 4, 5, 6
Taldekatzea: Lauko taldeak
Eremua: Kantxa erdia
Denbora: 8 min
Materiala: 3 baloi eta 3 kono
Jarraibideak:
- Bi ilara kokatuko dira, bat saski azpian eta bestea kantxa erdian, azken hauek baloia izango dute. 6,25 metroko altueran hiru kono egongo dira, bi ate osatuko dituztelarik.
- Begiraleak ba esatean saski azpikoak ate bat tapatuko dute eta baloia duenak libre dagoen atetik egin beharko du eraso.
- Beti ere hutsik ez dagoen atetik urrunen daukaten eskuarekin egin beharko dute botea, bestela ate zaindariak baloia kentzeko aukera du.
- Baloia duenak saskiratze batekin amaituko du.
Aldaerak:
- Bi ate kokatu beharrean, ate handi bat kokatu eta esku aldaketak landu ate zaindaria atzean uzteko.
5. Botea
Saskifutbol
Maila: L.H. 3, 4, 5, 6
Taldekatzea: Lauko taldeak
Eremua: Kantxa osoa
Denbora: 10 min
Materiala: 10 baloi eta 4 kono
Jarraibideak:
- Bi talde egingo dira eta futboleko partidu bat jokatuko dute.
- Ateak egiteko konoak erabiliko dira eta partaide bakoitzak baloi bat izango du. Ez da atezainik egongo.
- Baloi horiek uneoro boteka egon beharko dute, begiraleak norbait ikusiz gero baloia eskuan duelarik futboleko baloia beste taldeari pasa beharko diete.
Aldaerak:
- Abilena ez den eskuarekin botatu beharko dute.
6. Botea
Lokotxak
Maila: L.H. 3, 4, 5, 6
Taldekatzea: Lauko taldeak
Eremua: Kantxa erdia
Denbora: 10 min
Materiala: 3 baloi eta 12 kono
Jarraibideak:
- 3 talde osatuko dira eta talde bakoitzak baloi bana izango du.
- Errelebo lasterketa bat izango da, non tartean zailtasun batzuk aurkituko dituzte jokalariek eta horiek gainditzeko bote desberdinak landuko dira.
- Jokalariak lehendabizi baloia atzerantz botatuko dute fondoko marratik lehen konoraino. Ondoren kono desberdinak gainditzen joango dira esku aldaketak eginez. Kantxa erdira iristean buelta eman eta aurrerantz botatuko dute berriz ere fondoko marrara iritsi arte.
- Jokalari bakoitzak 2 aldiz egingo du ibilbidea, eta azkarren egiten duen taldeak irabaziko du.
Aldaerak:
- Ibilbidean esku aldaketa desberdinak egin zailtasunen arabera: aurretik, atzetik, hanka azpitik, errebertsoak…
7. Botea
Ezetz kendu
Maila: L.H. 3, 4, 5, 6
Taldekatzea: Biko taldeak
Eremua: Kantxa erdia
Denbora: 5 min
Materiala: 6 baloi eta 12 kono
Jarraibideak:
- Bikoteka kokatuko dira eta babesteko botea landuko dute.
- Kono eta kantxako marrekin mugatutako espazio txiki batean binaka sartuko dira. Bikote bakoitzak bere espazio propioa izango du.
- Espaziotik atera gabe baloia babesten saiatuko dira, uneoro baloiak boteka egon beharko duelarik.
- 12 segundo baloia babesteko gai izaten badira, aurreranzko botea erabiliz saskira zuzendu eta sarrera bat egingo dute.
Aldaerak:
- Esku abila eta ez abila txandakatzen joango dira.
- Zailtasunen arabera espazioa handitu edo txikituko da.
8. Botea
Ea zein azkarrago!
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 10 min
Materiala: 2 baloi eta 2 uztai
Jarraibideak:
- Bi talde osatuko dira, eta ilaran kokatuko dira bata bestearen aurrean kantxa erdian. Ilarako lehenengo jokalariek baloia izango dute.
- Jokalari hauek esku aldaketak egiten egongo dira leku berean mantenduz, eta begiraleak ba esaten duenean baloia lurrean utzi eta aurkariaren baloia hartuko dute..
- Ondoren saskirantz joan eta sarrera bat egingo dute, azkenik uztaiek markatutako lekutik jaurtiketa bat. Uztaietara atzeranzko botea erabiliz joango dira.
- Bi hauek sartzen azkarrenak puntu bat lortuko du. Jokoa 16puntu aurrena lortzen dituenak irabazten du.
9. Botea
Aukeratu
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 10 min
Materiala: 4 baloi eta 4 kono
Jarraibideak:
- Bi ilara osatuko ditugu kantxa erdian saskiari begira. Jokalariak barneko eskuarekin botatuz lehendabiziko konoraino botatuko dute, eta bertan esku aldaketa bat burutu. Ondoren kanpoko eskuarekin botatuz hurrengo konoraino iritsiko dira.
- Bigarren konora aurrena iristen denak erabakiko du jaurtiketa edo sarrera egin, bigarren iristen denak berriz aurkariak erabaki ez duen akzioa egin beharko du.
Aldaerak:
- Txapelketa gisa egin daiteke, baino hasieran komeni da botea egokia izateko mantsoago lantzea.
10. Botea
Kolore-kolore
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 10 min
Materiala: 3 baloi eta 9 kono handi
Jarraibideak:
- Lau ilara osatuko dira kantxako lau iskinetan, eta lehendabizikoak baloia izango du.
- Lau ilaratatik distantzia berdinera lau uztai izango dira. Adibidez begiraleak urdina esaten badu, uztai urdinera eraman beharko dute baloia, bertara iritsi arte une oro baloia botatzen mantenduko dutelarik.
- Aurrena iristen denak puntu bat lortuko du, 10 puntu lehen egiten dituen taldeak irabaziko du.
Aldaerak:
- Abilena ez den eskuarekin botatu beharko dute.