1. Pasea
Harrera
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 8 min
Materiala: 3 baloi eta 6 uztai
Jarraibideak:
- 6 ilara egingo dira, ilara horiek markatzeko uztaiak jarriko dira.
- Fondoko marran kokatuta dauden ilarakoek, 4 metrora kokatuta dauden ilarakoei baloia pasako diete.
- Garrantzitsua pase egokia eta harrera hobea lortzea izango da. Horretarako hasiera batean pase errazena landuko dugu, bi eskuekin ematen dena.
- Behin pasea ongi harrapatzea lortu dutenean, bote bat eman eta jaurtiketa egingo dute. Ondoren errebotea hartu eta ilaraz aldatuko dira.
Aldaerak:
- Pase mota ezberdinak sartu: esku batekin, bestearekin, buru gainetik…
2. Pasea
Mozketak
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 8 min
Materiala: 4 baloi
Jarraibideak:
- Bi ilara osatuko dituzte, biak ere kanasta azpian. Ilara bat baloia dutenek osatuko dute eta bestea baloia ez dutenek.
- Baloia ez duen ilarakoa tiro libre altueraraino korrika joango da bertan baloia jasoz. Ondoren baloia pasa duenak berdina egingo du baino beste alderantz.
- Behin bigarren honek baloia jasotzean berriz ere lehenengoak korrika baloia eskatuko du, baino kasu honetan saskirantz zuzenduz.
- Baloia jasotzean sarrera bat egingo du, ondoren biak ilaraz aldatuz.
Aldaerak:
- Espazioa handitu, pase luzeagoak eta zailagoak egitera behartuz.
3. Pasea
Beisbol pasea
Maila: L.H. 3, 4, 5, 6
Taldekatzea: Talde osoa
Eremua: Kantxa osoa
Denbora: 8 min
Materiala: 4 baloi
Jarraibideak:
- Bi talde osatuko dira eta talde bakoitza kanasta azpian kokatu da, alde banatara. 2 metro aurrerago baloiak kokatuta egongo dira.
- Begiraleak ba esatean bi taldekide aterako dira, batek baloia hartuko du eta besteak korrika egingo du beste saskirantz.
- Baloia hartu duenak beisbol pase bat egingo du beste kantxaraino.
- Taldekideak baloia hartu eta sarrera bat egingo du, lehendabizi sartzen duenak puntu bat lortuko du, ondoren rolak aldatuko dituzte.
Aldaerak:
- Zailtasun handia badago hau egiteko, pasea motzago egin eta bi eskuekin.
4. Pasea
Jira-bira
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 5 min
Materiala: 2 baloi eta 4 kono
Jarraibideak:
- 4 konoekin karratu handi xamar bat osatuko dute, eta kono bakoitzaren atzean 3 jokalari kokatu.
- Bi diagonaletan baloia izango da eta beste bietan ez.
- Begiraleak ba esaten duenean baloia eskuinera pasa eta pasa duena eskuineko konora joango da ahalik eta azkarren, gertuko pasea landuz.
Aldaerak:
- Pasea eskuinera egin beharrean ezkerrera egitea edo pasea alde batera egin eta errotazioa beste aldera.
- Konoak urrundu eta pase luzea landu.
5. Pasea
Goazen korrika
Maila: L.H. 3, 4, 5, 6
Taldekatzea: Talde osoa
Eremua: Kantxa osoa
Denbora: 10 min
Materiala: 3 baloi
Jarraibideak:
- Hiru ilara kokatu dira, erdikoak baloia izango dutelarik.
- Erdiko ilarakoak taulara botako du baloia eta bere errebotea hartuko du. Ondoren kontraerasoko lehendabizi pasea (laburra) emango dio eskuineko ilarakoari.
- Ezkerreko ilarakoak bitartean korrika egingo du eta eskuinekoak beisbol pasea emango dio (luzea), honek sarrera batekin amaituko duelarik.
- Honekin kontraerasoko lehen pasea eta pase luzea landuko ditugu.
Aldaerak:
- Itzuleran 2×1 egoera jolasteko aprobetxatu.
6. Pasea
Izarra
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 8 min
Materiala: 2 baloi
Jarraibideak:
- Taldekideek borobil bat osatuko dute eta bat erdian kokatuko da. Borobilean dauden bi jokalarik baloia izango dute.
- Baloi bat borobil barrura sartzen eta irteten arituko da, bestea berriz beti borobil kanpotik joango da.
- Begiraleak ba esaten duenean bi baloiak martxan hasiko dira, barrura doana eskuinera eta kanpotik doana ezkerrera.
- Barrurantz eta kanporantz doan baloia pasatzean beti baloia pasa diogun jokalariaren lekua hartu beharko dugu.
- Helburua paseak ahalik eta azkarren eta koordinatuen egitea da.
7. Pasea
Aniztasuna
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 8 min
Materiala: 4 baloi eta 4 kono
Jarraibideak:
- Bi ilara osatuko dituzte elkarren ondoan, ilarako lehenengoek baloia izango dutelarik.
- Eskuineko ilarakoak ezkerrekoari botearekin pasako dio, eta alderantziz pasea airez izango da.
- Honela pixkanaka aurrerantz joango dira, konoak dauden lekuraino. Bertara iristean beisbol pase bat egingo diote ilaran baloia ez daukan lehendabizikoari.
Aldaerak:
- Ilaren arteko distantzia aldatu eta pase mota aldatu.
8. Pasea
Zortzikoak
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 10 min
Materiala: 3 baloi
Jarraibideak:
- Hiru ilara kokatuko dira saski azpian, erdikoek baloia izango dutelarik.
- Paseak aurrerantz izango dira, horretarako pasea jaso behar duenak baloia duena baino aurrerago egon beharko du.
- Erdiko ilarakoak eskuinekoari pasako dio eta bere atzetik pasako da, ondoren eskuinekoak ezkerrekoari eta bere atzetik pasako da. Eta honela jarraituko dute pixkanaka aurreratzen joango direlarik.
- Kantxa erdira iristean buelta eman eta gauza berbera egingo dute saskirantz. Saskitik gertu hasieran erdian zegoenak sarrera bat egingo du. Ondoren eskuinerantz errotazioa egingo dute ilaraz aldatzeko.
Aldaerak:
- Ilaren arteko distantzia aldatu eta pase mota aldatu.
9. Pasea
Paseak martxan
Maila: L.H. 3, 4, 5, 6
Taldekatzea: Talde osoa
Eremua: Kantxa osoa
Denbora: 10 min
Materiala: 3 baloi eta 6 kono
Jarraibideak:
- Konoek markatuko dute jokalariak egon behar duten tokia. Saskiaren azpian dauden jokalariak izango dute baloia, eta beste 3 ilaretakoek ez.
- Saskiaren azpian daudenek horiengandik gertuen dauden jokalariei pasako die baloia, eta hauek itzuli egingo diete. Ondoren hurrengo ilarakoekin berdin eta jarraian azken ilarakoekin. Azken pasea hartzean bote bat eman eta sarrera egingo dute.
- Itzultzean ariketa berbera egingo dute, horretarako paseak egin dituzten jokalariak errotazio egokia egin dutelarik.
- Amaitzean errotazioa egingo dute ilara bat aurrera joanez.
10. Pasea
Uso tiro
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 10 min
Materiala: 3 baloi eta 9 kono handi
Jarraibideak:
- 3 talde osatuko dira eta bakoitzak baloi bat izango du.
- Helburua pase pikatua lantzea izango da, horretarako pasea gogorra eta botearekin egin beharko dute.
- Kantxa erdian konoak jarriko dira ilaran eta jokalariak, konoengandik metro batera, pase pikatua eginez kono horiek botatzen saiatuko dira.
- Lehendabizi talde bakoitzak bota behar dituen 3 konoak botatzen dituenak puntu bat eskuratuko du.
Aldaerak:
- Beste pase bat landu nahi izanez gero, konoengandik gauden distantzia aldatu beharko dugu, adibidez beisbol pasea urrunago.