1. Beroketa
Armiarma sarea
Maila: L.H. 3, 4, 5, 6
Taldekatzea: Talde osoa
Eremua: Kantxa osoa
Denbora: 5 min
Materiala: 4 baloi
Jarraibideak:
- 2 taldekide kantxa erdian kokatuko dira eta gainontzekoak zelaiaren alde batean. Kantxa erdian daudenak marraren gainean kokatuko dira.
- Begiraleak ba oihukatzean taldekideak zelaiaren beste aldera iristen saiatu beharko dute erdikoak beraiek harrapatzen saiatuko direlarik.
- Helburua lortzen dutenek zona barruan kokatuta dauden baloietariko bat saskira jaurtitzeko aukera izango dute.
Aldaerak:
- Taldekide bakoitzak baloi bat izango du.
- Bikoteka eta baloia elkarren artean pasako dute.
2. Beroketa
10 pase
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 5 min
Materiala: Baloi bat
Jarraibideak:
- Taldea bitan zatitu eta taldekideen artean baloia pasa beharko dute.
- Kideek ezingo dute baloiarekin boterik egin.
- 10 pase egitean saskiratzea bilatuko dute.
Aldaerak:
- Pase mota desberdinak egin: pikatua, buru gainetik, esku batekin…
- Bi taldeek baloia izango dute eta ea zeinek azkarrago egin, paseak moztu daitezke.
3. Beroketa
Arima
Maila: L.H. 3, 4, 5, 6
Taldekatzea: Talde osoa
Eremua: Kantxa osoa
Denbora: 8 min
Materiala: Baloi bat eta bi kono
Jarraibideak:
- Bi talde osatuko dira eta bi taldeen artean Arima bat elkarbanatuko da.
- Arima zerbait fiktizioa da, jokalari batek eramango du eta berari kentzeko aukera bakarra aurkari batek bera ukitzea da.
- Helburua arima duen jokalaria aurkako taldeak defendatzen duen zonara iristea da.
- Zonara iritsiz gero, jokalari horrek jaurtiketa libre bat botatzeko aukera izango du, sartuz gero puntu bat lortuz.
Aldaerak:
- Eremua txikitu zailtasuna handiagotuz.
4. Beroketa
Arima
Maila: L.H. 3, 4, 5, 6
Taldekatzea: Talde osoa
Eremua: Kantxa osoa
Denbora: 8 min
Materiala: 6 baloi eta 6 kono
Jarraibideak:
- Bi talde egin eta kantxa lau zatitan banatuko da, talde bakoitza zati baten jabe izango da eta zati askeak baloien eremuak izango dira.
- Aurkarien eremuaren ondoren dauden baloiak norberaren eremura ekarri behar dituzte, horretarako aurkarien eremutik pasatuaz.
- Aurkarien eremuan harrapatuak izanez gero geldik egon beharko dute taldekide batek eskua eman arte, orduan aske geratuko dira.
- Baloiak dauden eremura sartzea lortzen badute hauek euren eremura eraman beharko dituzte.
- Baloien eremuan ezingo dira inoiz harrapatuak izan.
Aldaerak:
- Boteak abilena ez den eskuarekin egin beharko dira.
5. Beroketa
Zenbaki-zenbaki
Maila: L.H. 3, 4, 5, 6
Taldekatzea: Talde osoa
Eremua: Katxa erdia
Denbora: 5 min
Materiala: 3 baloi
Jarraibideak:
- Taldekide guztiak jaurtiketak egiten jardungo dira, jaurtitzen duenak ezingo du bere errebotea hartu.
- Begiraleak zenbaki bat oihukatuko du, eta horren araberako taldeak egingo dituzte jokalariek.
- Taldea osatzen azkenengoak diren jokalariak puntu bat jasoko dute, kasu honetan puntuak negatiboak izango dira.
Aldaerak:
- Taldeak egin ondoren solte dauden baloiak hartu eta saskiratze bat egingo dute.
6. Beroketa
Zizare lasterketa
Maila: L.H. 3, 4, 5, 6
Taldekatzea: Lauko taldeak
Eremua: Kantxa erdia
Denbora: 8 min
Materiala: 3 baloi
Jarraibideak:
- Taldekideak kantxa erdian kokatuko dira ilaran, lehenengoak baloia izango duelarik
- Begiraleak ba esatean lehenengoak bigarrengoari pasako dio baloia eta horrela jarraituko dute baloia azkenengoarengana iritsi arte. Orduan hau boteak eginez aurrenengoaren aurrean kokatuko da eta berriz berdina egiten hasiko dira.
- Pixkanaka aurreratzen joango dira eta saskitik 2 metrora kokatuta dauden konoetara iristean saskiratzea egin beharko du kide bakoitzak.
Aldaerak:
- Boteak, paseak edo jaurtiketak abilena ez den eskuarekin egin.
7. Beroketa
Zapitxoa
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 8 min
Materiala: Baloi bat
Jarraibideak:
- Begiraleak taldea bitan zatituko du eta taldetxo bakoitza kantxaren bi bandetan kokatuko du.
- Begiraleak zenbaki bakarra esaten badu, zenbaki horren jabea hanka baten gainean joango da zelai erdira, baloia hartu eta bere eremura itzultzen saiatuko da. Baloia hartzen ez badu, bestea harrapatzen saiatuko da.
- Bi zenbaki esaten baditu berdina egingo dute, baina pertsona bat bestearen gainean igota. Hiru zenbaki esaten baditu sillita de la reina delakoa eginez. Eta lau zenbaki esanez gero hankartetik eskua pasatuz zizare moduko bat osatuta.
8. Beroketa
Paseen harrapaketa
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 5 min
Materiala: Baloi bat
Jarraibideak:
- Begiraleak bi harrapatzaile aukeratuko ditu, eta horien artean baloi pasatu beharko dute.
- Helburua gainontzeko denak harrapatzea izango da, horretarako baloiarekin ukitu beharko dituzte iheslariak.
- Harrapatzaileak ezingo du korrika egin baloia eskuetan duelarik, ezta baloia iheslariei jaurti ere.
Aldaerak:
- Pase mota desberdinak egin: pikatua, buru gainetik, esku batekin…
9. Beroketa
Baloi salbatzailea
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 5 min
Materiala: 3 baloi
Jarraibideak:
- Harrapatzaile bat egongo da eta gainontzeko denak iheslariak izango dira. Iheslari horietako hiruk baloia izango dute, eta ezingo dira harrapatuak izan.
- Helburua larri ihesten ari den horri baloia pasatzea da, honela iheslari hori salbu geratuko da eta harrapatzaileak beste batengana joan beharko du.
- Iheslariak euren artean baloia pasa beharko dute.
Aldaerak:
- Zailtasun edo erraztasunaren arabera, baloiak gutxitu, zelaia handitu, iheslarien arteko pase motak zehaztu…
10. Beroketa
Buztantxoak
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 10 min
Materiala: 3 baloi, 4 uztai eta petoak
Jarraibideak:
- Begiraleak kide bakoitzari peto bat emango dio ipurdi parean jartzeko, buztana izango balitz bezala.
- Helburua gainontzekoei buztana kentzea izango da. Buztana kentzen badizute, beste bat lortzeko sarrera bat egin beharko da ondo, horrekin batera saskiratzea eskuratuz.
- Sarrera ongi egiteko bi uztai egongo dira sakiaren alde banatan, urratsak bertan emateko.
- Nahiz eta eskuan buztan bat baino gehiago eduki, ipurdian dutena galdutakoan sarrera egin beharko dute, eskukoa ipurdian jartzeko.
Aldaerak:
- Sarrera egin beharrean jaurtiketa bat urrunagotik.