1. Jaurtiketa
Erlojutxoa
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 10 min
Materiala: 4 baloi
Jarraibideak:
- Taldea bi zatitan banatuko da eta taldetxo bakoitzak bi baloi izango ditu.
- Ilaran kokatuko dira jaurtiketa libreak botatzerako orduan errebotean egoteko markatuta dagoen lehenengo marran.
- Marra horretatik taldekideen artean 4 saskiratze lortu beharko dituzte, ondoren hurrengo marratxora mugituz, honela jarraituko dute amaiera arte.
Aldaerak:
- Begiraleak zehaztuko du jaurtiketa taulatxoan lagunduz edo zuzenean saskira jaurtiz izango den.
2. Jaurtiketa
Pistako erregea
Maila: L.H. 3, 4, 5, 6
Taldekatzea: Biko taldeak
Eremua: Kantxa osoa
Denbora: 10 min
Materiala: 6 baloi
Jarraibideak:
- Bikoteen arteko lehia bat izango da, bikote bakoitzak baloi bat izango duelarik.
- Lehendabizi bikoteko kide batek botako du, bere errebotea hartu eta bere taldekideari pasako dio, ondoren beste kideak jaurtiko du.
- Jaurtitzaileak erabakiko du zona barrutik bota (1puntu) edo zona kanpotik (2puntu).
- Bikoteen arteko lehian lehendabizi 7 puntu lortzen dituenak irabaziko du. Galtzaileek kantxa erdira joan beharko dute eta irabazleek kanpoan dauden bikote baten aurka lehiatzen jarraituko dute.
- 7 puntu lortzean izartxo bat irabaziko dute, 5 izartxo aurrena irabazten dituenak lortuko du jokoan garaile izatea.
3. Jaurtiketa
Zenbaki-sarrera
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 8 min
Materiala: 3 baloi
Jarraibideak:
- Bi talde osatuko dira eta talde bakoitza 6,25 metroko marran ilaran kokatuko da.
- Talde bakoitzak ezkerretik eta eskuinetik 10 sarrera sartu beharko ditu.
- Bide erdian entrenatzaileak zenbaki bat erakutsiko die, eta hori altuan esan beharko dute saskiratzeak balio izateko.
- Ilaran dauden bitartean baloi batek uneoro bi ilaren artean paseka egon beharko du, huts egiten duen taldeari sarrera bat kenduko zaiolarik.
Aldaerak:
- Sarrera mota desberdinak definitu: urrats batekin, birekin, ezkerrez, eskuinez…
4. Jaurtiketa
Hartu errebotea!
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 8 min
Materiala: 4 baloi eta 3 kono
Jarraibideak:
- Hiru ilara osatuko dira, bat kantxaren alde batean, bestea kantxa erdian eta azkena beste aldean, hirurak 6,25 metroko marran.
- Ilara batean baloiak egongo dira eta horiek ondoko ilarakoei pasako diete, hauek azken ilarakoei pasatuz.
- Azken ilarakoak jaurtiketa bat egingo du, garrantzia emanez hankak saskira begira egoteari.
- Errebotea borrokatuko dute beste bi ilaretakoak, baloia hartzen duena jaurtitzeko ilarara joango da eta beste biak beste ilaretara.
Aldaerak:
- Jaurtiketa bakarrik egin beharrean, botea ere burutu beharko dute.
5. Jaurtiketa
Mugitu konoak!
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 10 min
Materiala: 4 baloi eta 10 kono
Jarraibideak:
- Bi talde osatuko dira eta talde bakoitza ilaratxo batean kokatuko da jaurtiketa libreen marran.
- Helburua jaurtiketa libre bat sartzea izango da, sartu ala ez bakoitzak bere errebotea hartu eta ilararen ondorengoari pasako dio baloia.
- Jaurtiketa librea sartuz gero, gure eremuan dagoen kono bat besteen eremura mugituko du jaurtiketa sartu duenak.
- Jokoa kono guztiak eremu batean daudenean amaituko da.
Aldaerak:
- Jaurtiketa edozein lekutatik egin daiteke.
6. Jaurtiketa
Binaka-binaka
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 8 min
Materiala: 4 baloi
Jarraibideak:
- Hiru ilara osatuko dira 6,25 metroko marran, ezkerreko eta erdiko ilarak baloia izango dutelarik.
- Erdiko ilarakoak eskuinekoari pasako dio baloia, eta ezkerrekoarengana hurbilduko da bere baloia eskatuz, baloia jaso eta jaurtiketa bat egingo du. Ondoren eskuinekoarengana hurbilduko da eta berdina egingo du.
- Jaurtiketa horien errebotea pasea eman duten jokalariek hartuko dute. Ondoren errotazioa burutuko dute, bakoitza bere eskuineko ilarara joango delarik.
Aldaerak:
- Tiro bat taulan lagunduz bota beharko du eta bestea zuzenean.
7. Jaurtiketa
Iskintxoa
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 10 min
Materiala: 4 baloi eta 2 kono
Jarraibideak:
- 4 ilara kokatuko dira, bi saski azpian eta beste bi 6,25 metroko marran, azken hauek baloiak izango dituzte.
- Saski azpitik konoa kokatua dagoen altuera arte gogor irtengo dira jokalariak, bertan goiko ilarakoek pasatako baloia jasoko dutelarik.
- Behin baloia jasota iskintxo bat egingo dute, botako duten itxura eginez. Ondoren bote bat egin eta sarrera edo jaurtiketa bat burutuko dute, jokalari bakoitzak bere errebotea hartuko duelarik.
- Saski azpiko jokalariak alde berdineko ilarara errotatuko dute, 6,25 metrotan kokatutakoek aldiz aurkako aldera.
Aldaerak:
- Jaurtitzeko iskintxoa egin beharrean pasezkoa egin.
- Jaurtiketa mota zehaztu: esku batekin, bi eskurekin, gakoz…
8. Jaurtiketa
15 puntu
Maila: L.H. 3, 4, 5, 6
Taldekatzea: Talde osoa
Eremua: Kantxa osoa
Denbora: 10 min
Materiala: 6 baloi, 6 uztai eta 6 kono
Jarraibideak:
- Begiraleak ba esatean, jokalariak kantxan banaturik dauden baloien bila joango dira eta bi aukera izango dituzte: sarrera edo jaurtiketa.
- Baloiak uztaien barruan egongo dira, eta jaurtiketa eginez gero uztai barrutik egin beharko da. Ondoren errebotea hartu eta baloia lehen zegoen tokian utziko da.
- Saskiratzea lortuz gero kantxa erdian dauden konoen artean sigi-sagan mugituko dira, ondoren beste baloi baten bila joanez.
- Sarrerak = puntu bat , Jaurtiketak = 2 . 15 puntu lortu behar dira.
9. Jaurtiketa
Uztaitik bai!
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 10 min
Materiala: 4 baloi, 2 kono eta 6 uztai
Jarraibideak:
- Bi talde osatuko dira, saskiaren bi aldetara bi ilara eginez.
- Lehendabiziko biek baloia izango dute, eta boteka aterako dira kono kokatuta dagoen altuera arte. Bertan buelta eman eta zona kanpoan kokatuta dauden uztaietara joango dira.
- Uztai horietatik jaurtiketa bat burutu beharko dute. Biek sartzen badute, edo biek huts egiten badute markagailua hutsean geratzen da, batek sartzen badu berriz talde horrentzat puntu bat izango da.
- Helburua 8 puntu egitea izango da.
Aldaerak:
- Jaurtiketa taulan lagunduz edo zuzenean den zehaztea.
10. Jaurtiketa
Bi jarraian ez huts egin!
Maila: L.H. 3, 4, 5, 6
Taldekatzea: Talde osoa
Eremua: Kantxa osoa
Denbora: 8 min
Materiala: 3 baloi
Jarraibideak:
- Bi talde osatuko dira, saskiaren bi aldetara bi ilara eginez.
- Lehendabiziko biek baloia izango dute, eta boteka aterako dira kono kokatuta dagoen altuera arte. Bertan buelta eman eta zona kanpoan kokatuta dauden uztaietara joango dira.
- Uztai horietatik jaurtiketa bat burutu beharko dute. Biek sartzen badute, edo biek huts egiten badute markagailua hutsean geratzen da, batek sartzen badu berriz talde horrentzat puntu bat izango da.
- Helburua 8 puntu egitea izango da.
Aldaerak:
- Jaurtiketa taulan lagunduz edo zuzenean den zehaztea.