1. Trebezia
Lapurretan
Maila: L.H. 3, 4, 5, 6
Taldekatzea: Talde osoa
Eremua: Zelai erdia (20 x 20)
Denbora: 5-7 min
Materiala: Baloi 1 partaide bakoitzeko
Jarraibideak:
- Partaide bakoitzak baloi bat izango du eta 6m-tako eremu barroan kokaturik elkarri botea lapurtzen saiatuko dira. Baloia galduz gero haren bila joan eta jolasten jarraituko dugu.
Aldaerak:
- Eremu ezberdinak zehaztu kono bidez eta behin norbaiti baloia lapurtu ondoren hurrengo mailara pasatzea. Helburua ahalik eta maila altuena lortzea izango da.
2. Trebezia
Alderik alde
Maila: L.H. 3, 4, 5, 6
Taldekatzea: Talde osoa
Eremua: Zelai erdia (20 x 20)
Denbora: 10 min
Materiala: Baloi 1
Jarraibideak:
- Partaideak ilaran kokatuko dira eta haur bat zutik 10 metroetako marran ipiniko da eskuetan baloi bat duela. Baloia duen haurrak eskubi edo ezkerreko eskuan jarriko du baloia. Ilaran dagoena haurra, baloi gabe, beregana hurbilduko da korrika baloia hartu eta beste aldetik jaurtiko du.
3. Trebezia
Sartu barrura!
Maila: L.H. 3, 4, 5, 6
Taldekatzea: Binaka
Eremua: Zelai erdia (20 x 20)
Denbora: 10 min
Materiala: Baloi 1 partaide bakoitzeko
Jarraibideak:
- Binaka kokatuko gara, bata erasotzen egongo da eta besteak defenditu egingo dio. Zelai erdian konoekin borobil bat marraztuko dugu. Erasotzen duenak baloia izango du eta boteka borobilera sartzen saiatuko da. Defenditzen dagoenak ezingo ditu besoak erabili defenditzeko, hankak mugitu beharko ditu eta gorputzarekin defenditu beharko du.
4. Trebezia
Zizarea
Maila: L.H. 3, 4, 5, 6
Taldekatzea: Talde osoa
Eremua: Zelai erdia (20 x 20)
Denbora: 10 min
Materiala: Baloi 1 partaide bakoitzeko
Jarraibideak:
- Partaide bakoitzak baloi bat izango du eta ilara batean egongo dira kokatuak metro bateko distantzia utziaz batetik bestera.
- Ilararen atzean dagoena boteka hasi eta bere kideak inguratu beharko ditu banaka zig-zag mugimendua eginez.
5. Trebezia
Atzekoaren bila!
Maila: L.H. 3, 4, 5, 6
Taldekatzea: Bi talde
Eremua: Zelai erdia (20 x 20)
Denbora: 10 min
Materiala: Baloi 1 partaide bakoitzeko
Jarraibideak:
- Talde txikiagotan kokatuko gara, talde bakoitzak 6-8 kide izango ditu. Taldekideak ilara batean kokatuko dira eta batak besteari gerritik helduko diote. Taldekide bat ilaratik kanpo egongo da, eta ilararen aurren kokatuko da, honek baloi bat izango du.
- Ilaratik kanpo dagoena boteka ilararen atzean dagoena ukitzen saiatu beharko da, eta ilaran dagoenak hau saihesten saiatu beharko dira.
6. Trebezia
Konoak ahaztu gabe!
Maila: L.H. 3, 4, 5, 6
Taldekatzea: Talde osoa
Eremua: Zelai erdia (20 x 20)
Denbora: 5-7 min
Materiala: Baloi 1 partaide bakoitzeko
Jarraibideak:
- Partaide bakoitzak baloi bat izango du eta zelaian zehar sakabanaturik boteka ibiliko dira. Zelaian hiru kono egongo dira, begiraleak abisua ematean boteka jarraitzen dugularik hiru konoak ukitu eta ondoren atera jaurtiko dugu.
Aldaerak:
- Konoak ukitzeko orden bat ipini aurretik.
- Botean aldagaiak sartu, beste eskuarekin, bi eskuekin, bote altua, baxua…
7. Trebezia
Azkar ibili!
Maila: L.H. 3, 4, 5, 6
Taldekatzea: Talde osoa
Eremua: Zelai erdia (20 x 20)
Denbora: 10 min
Materiala: Baloi 1 partaide bakoitzeko
Jarraibideak:
- Partaide bakoitzak baloi bat izango du eta zelai osoan zehar boteka ibiliko dira. Begiraleak kolore edo objektu baten izena esango du eta haurrak korrika botea galdu gabe kolore hori duen zerbait edo begiraleak esandako objektu hori ahalik eta azkarren ukitzen saiatu beharko dira.
Aldaerak:
- Botean aldagaiak sartuko ditugu: Beste eskuarekin, bi eskuekin, bote altua, baxua…
8. Trebezia
Ispilua
Maila: L.H. 3, 4, 5, 6
Taldekatzea: Binaka
Eremua: Zelai erdia (20 x 20)
Denbora: 10 min
Materiala: Baloi 1 partaide bakoitzeko
Jarraibideak:
- Partaide bakoitzak baloi bat izango du eta binaka ipiniko dira. Bikotekide bat ispilua izango da eta bestea bere isla, ispiluak nahi duena egingo du eta besteak ispiluak egindakoa errepikatu egin beharko du.
- Denbora erdia igaro ondoren rolak aldatuko ditugu, ispilua zena isla bihurtuko da eta isla zena ispilu.
9. Trebezia
Kono dantza
Maila: L.H. 3, 4, 5, 6
Taldekatzea: Talde osoa
Eremua: Zelai erdia (20 x 20)
Denbora: 5-7 min
Materiala: Baloi 1 partaide bakoitzeko
Jarraibideak:
- Partaide bakoitzak baloi bat izango du eta zelai osoan zehar boteka ibiliko dira. Zelaian zehar konoak izango ditugu sakabanaturik, partaide guztiak baina kono bat gutxiago egongo da. Begiraleak abisua ematean kono bila joan beharko dira, bakoitzak kono bat izan beharko du.
- Kono gabe gelditu den pertsonak hurrengo abisua emango du kono bila joateko.
Aldaerak:
- Musika erabiltzea, aulki dantzan bezalaxe musika dagoen bitartean boteka ibiliko dira eta musika etetean kono bila joan beharko dira.
10. Trebezia
Katu-xagu
Maila: L.H. 3, 4, 5, 6
Taldekatzea: Binaka
Eremua: Zelai erdia (20 x 20)
Denbora: 5-7 min
Materiala: Baloi 1 partaide bakoitzeko
Jarraibideak:
- Binaka kokatuko dira partaideak elkarri eskutik emanda egongo dira eta beste eskuan baloia izango dute eta botea mantendu beharko dute zelaitik zehar korrika daudelarik.
- Bi taldekide egongo dira bikote gabe, bata xagua izango da eta beste katua. Katuak xagua harrapatu beharko du eta xaguak ihesi egin beharko du. Xagua ihesten ari den bitartean nahi duenean korrika doan bikoteko bikotekide bati heldu eta besteak ihes egin beharko du, xagua bihurtuko baita.
Aldaerak:
- Xagua bihurtu beharrean, Katu bihurtzea bikotetik irteten den pertsona.