1. Joko erreala
Desoreka 2x1
Maila: L.H. 3, 4, 5, 6
Taldekatzea: Talde bat
Eremua: Zelai erdia (20 x 20)
Denbora: 10 min
Materiala: 3 baloi
Jarraibideak:
- Haurrak 3 errenkadetan banatuko dira zelai erdian. Bi alboetan eta erdian. Bestetik, bi defentsa egongo dira. 6m-ko marran bi kono ipiniko ditugu jaurtiketa eremua mugatzeko.
- Erasotzaileek gola sartu beharko dute defentsa gaindituz, baina defentsak baloidun jokalari bat ukitzen badu, erasotzaileak atzera itzuli beharko dute.
Aldaerak:
- 4 erasotzaile eta 3 defentsa. 6×5 egoera bateraino luzatu dezakegu, joko eremua handituz.
2. Joko erreala
Ezetz iritsi
Maila: L.H. 3, 4, 5, 6
Taldekatzea: Talde bat
Eremua: Zelai erdia (20 x 20)
Denbora: 10 min
Materiala: 4 baloi
Jarraibideak:
- Haurrak errenkada batean banatuko dira zelaiaren albo batean, 9m-ko marra baino atzerago. Zelaiko izkina bakoitzean bi pasatzaile egongo dira eta 6m-ko marran errenkadaren kontrako aldean defentsa bat ipiniko da.
- Begiraleak ba! esatean, errenkadako lehenengoak (erasotzailea) aurreneko pasatzaileari pasatuko dio, honek bigarren pasatzaileari eta azkeneko honek erasotzaileari itzuliko dio jaurtiketa egiteko.
- Erasotzaileak lehenengo pasea egiten duenean defentsa alde batetik bestera joango da konoa ukitzera, ondoren erasotzaileari jaurtiketa oztopatzen saiatuko da.
Aldaerak:
- Defentsaren konoa urrutiago.
3. Joko erreala
Pase eta jarraitu
Maila: L.H. 3, 4, 5, 6
Taldekatzea: Talde bat
Eremua: Zelai erdia (20 x 20)
Denbora: 10 min
Materiala: 4 baloi
Jarraibideak:
- Zelai erdia bitan banatuko da 4 kono ipiniz 4m-ko tartearekin. Kono tarte bakoitzean defentsa bat egongo da eta honek atzera eta aurrera soilik mugitu ahal izango du, ezker-eskuin ezin izango du mugitu.
- Beste kide guztiak zelai erdian jarriko dira bi lerrotan, zelai erdi batean errenkada bat eta bestean beste bat.
- Bien artean paseak eginez eta defentsa gaindituz gola sartzen saiatuko dira.
Aldaerak:
- Bote gabe.
4. Joko erreala
Pase eta jarraitu 2
Maila: L.H. 3, 4, 5, 6
Taldekatzea: Talde bat
Eremua: Zelai erdia (20 x 20)
Denbora: 10 min
Materiala: 4 baloi
Jarraibideak:
- 12-13m inguruan bi kono jarriko ditugu 9m-ko marraren paraleloan. Kono tartean defentsa bat egongo da eskuin-ezker mugituz, ezin izango du atzera eta aurrera mugitu.
- Kono tartea eta 6m bitartean defentsa bat gehiago egongo da eta erasoko jokalari bat.
- Beste jokalariak zelai erdian jarriko dira. Lehenengo defentsa gainditu beharko du bere erasoko kidearen laguntzarekin, ondoren azken defentsa gaindituz jaurtiketa egiteko.
Aldaerak:
- Bote gabe.
5. Joko erreala
5x5
Maila: L.H. 3, 4, 5, 6
Taldekatzea: 2 talde
Eremua: Zelai erdia (20 x 20)
Denbora: 10 min
Materiala: Baloi 1
Jarraibideak:
- 5×5 aurkako egoeran partidu bat jokatuko da. Talde batek baloia berreskuratzen duen bakoitzean edo gol bat jasotzen duenean ahalik eta azkarren zelai erditik atera beharko du baloia.
Aldaerak:
- Jokalari guztiek ukitu behar dute baloia.
6. Joko erreala
Azkarrena
Maila: L.H. 3, 4, 5, 6
Taldekatzea: Talde bat
Eremua: Zelai erdia (20 x 20)
Denbora: 10 min
Materiala: 3 baloi
Jarraibideak:
- Jokalariak zelai erdian kokatuko dira bi ilaratan banatuta. Bi ilaren artean entrenatzailea kokatuko da.
- Entrenatzaileak baloia hartu eta botako du, jarraian ilara bakoitzeko lehenengoa irtengo da baloia hartzera. Hartzen duenak jaurtiketa egiten saiatuko da eta baloia hartzen ez duenak defenditu egin beharko du.
Aldaerak:
- Eserita / etzanda / belauniko hasi jokalariak.
7. Joko erreala
Bat gehiago
Maila: L.H. 3, 4, 5, 6
Taldekatzea: Talde bat
Eremua: Zelai erdia (20 x 20)
Denbora: 10 min
Materiala: 3 baloi
Jarraibideak:
- 3×3 egoera bat jokatuko dugu erdiko gunean, baina erasoko jokalariek laguntza izango dute.
- 9m-tan karratu bat egongo da 4 konorekin. Kono barruan erasoko jokalari bat egongo da, honek ezin izango du jaurtiketarik egin baina k paseak jaso eta itzuli ahal izango ditu.
- Karratu barruan ezin izango du inork sartu, ez erasoko jokalariek ez defentsakoek.
8. Joko erreala
Erabaki
Maila: L.H. 3, 4, 5, 6
Taldekatzea: Talde bat
Eremua: Zelai erdia (20 x 20)
Denbora: 10 min
Materiala: 3 baloi
Jarraibideak:
- Bi alboetan eta erdian jokalariak ilaran jarriko dira. 6m-ko marran defentsa bat egongo da bi kono artean.
- Erdikoak izango dituzte baloiak eta aldi bakoitzeko alboko batekin jokatuko du, inoiz ez biekin batera. Honela, erdikoak albokori pasako dio, honek erdikoari itzuli eta erdikoak erasotu egingo du. Defentsak egiten duenaren arabera erdikoak jaurtiketa egingo du edo alboari baloia itzuli. Hau da, defentsa tokitik ez bada mugitzen pasea egin beharko du erdikoak eta kendu egiten bada jaurtiketa egingo du.
9. Joko erreala
3x2
Maila: L.H. 3, 4, 5, 6
Taldekatzea: Talde bat
Eremua: Zelai erdia (20 x 20)
Denbora: 10 min
Materiala: 3 baloi
Jarraibideak:
- Erdiko gunean erdikoak eta bi albokek jokatuko dute. Konoekin mugatutako eremutik jaurtiketa egin beharko dute. Bi defentsa gainditu beharko dituzte, hauek, 9m-tan hasiko dira defenditzen.
- Erasoko jokalari batek 6m-ko marra bilatu beharko du baloirik gabe ariketa burutzeko.
Aldaerak:
- Jokalariak libre jokatzeko aukera.
10. Joko erreala
Defentsa baloiduna
Maila: L.H. 3, 4, 5, 6
Taldekatzea: Talde bat
Eremua: Zelai erdia (20 x 20)
Denbora: 10 min
Materiala: 3 baloi
Jarraibideak:
- 2×2 jokatuko dute jokalariek eta konoekin mugatutako eremutik egin beharko dute jaurtiketa.
- Defentsan daudenek berezitasun bat izango dute, baloi bat izango dute eta bi eskuekin heldu beharko dute. Ezin izango dute esku bat bera ere kendu baloitik. Modu honetan ekidin beharko dute erasotzaileek gola sartzea.