1. Joko erreala
Azkar iritsi
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 8 min
Materiala: 3 baloi eta 3 kono
Jarraibideak:
- 3 ilara egingo dira, bat izkina batean, bestea erdian eta azkena beste izkinan, hirurak ere 6,25 metroko marran.
- Baloia izkina batetik bestera joango da paseak eginez, eta azken postura iristean, baloia jaso duenak saskiratze bat egiteko aukera izango du, sarrera edo jaurtiketa batekin. Gehienez 2 bote eman ahalko ditu erasotzaileak.
- Baloia pasatzen lehendabizi hasi denak berriz, izkina batetik bestera korrika ahalik eta azkarren joan beharko du defendatzera iristeko.
- 1×1 egoera amaitzean guztiek baloia doan aldera errotatuko dute.
Aldaerak:
- Zailtasun handiak badituzte, bote kopurua handiagotu edota 2x1eko egoerak probatu.
2. Joko erreala
Txuri-urdin
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 8 min
Materiala: 4 baloi
Jarraibideak:
- Bi ilara kokatuko dira kantxa erdian, bata bestearen aurrean. Ilarako lehenengo jokalariek baloia izango dute.
- Ilara bati txuri deituko zaio eta besteari urdin, honela begiraleak erabakiko du zein ilarakoak erasotzen duen eta zeinek defendatu.
- Begiraleak oihukatzen duen koloreak saskira iristeko gehienez 4 bote izango ditu eta besteak baloia utzi eta defendatzen saiatu beharko du.
Aldaerak:
- 6,25 metroko marran jarri eta bote gutxiago erabili.
- Bikoteka egin eta 1x1eko egoera jokatu beharrean 2×2 jokatu.
3. Joko erreala
Azkar irten
Maila: L.H. 3, 4, 5, 6
Taldekatzea: Talde osoa
Eremua: Kantxa osoa
Denbora: 10 min
Materiala: 2 baloi eta 4 kono
Jarraibideak:
- 4 konoek jokalariak egon daitezken 4 postuak definituko dituzte. Lehendabizikoan jokalariak jaurtiketa libre bat botako du eta ondoren zabaldu egingo da kontraerasoko irteera bat egiteko.
- Bigarrengoak jaurtiketaren errebotea hartu eta azkar pasako dio lehendabizikoari.
- Hirugarrengoak lehendabizikoaren pasea jasoko du kantxa erdian eta 1x1eko egoera jokatuko du karreran laugarrengoaren aurka.
- Amaitzean konoz aldatuko dute, bat aurrerantz eginez.
Aldaerak:
- Zailtasunen arabera: jaurtiketa urrundu edo hurbildu, 1x1eko bote kopurua zehaztu…
4. Joko erreala
Zein dago bakarrik?
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 10 min
Materiala: 3 baloi
Jarraibideak:
- Hiru ilara kokatuko dira, bat kanasta azpian eta beste biak kantxa erdian, non horietako batean baloiak izango dituzten.
- Kanasta azpiko ilarako kide bat 6,25 metroko marran kokatuko da. Hau defendatzailea izango da eta beste bi ilarako kideak eraso egingo dute.
- Erasotzaileak baloia hartzen duten bakoitzean gehienez bi bote egiteko aukera izango dute eta 3 pase beraien artean.
- Jaurtiketa egiten duena defendatzera pasako da eta beste biak erasotzera.
Aldaerak:
- Zailtasunen arabera bote kopurua gehitu edo pase kopurua gutxitu.
5. Joko erreala
Hamaika
Maila: L.H. 3, 4, 5, 6
Taldekatzea: Talde osoa
Eremua: Kantxa osoa
Denbora: 10 min
Materiala: Baloi bat
Jarraibideak:
- 3×2 egoera jokatuko dugu une oro. Hiru erasotzaile hasiko dira kantxa erdian eta beraiei defendatzeko bi jokalari. Kantxako bi fondoetan hiruna jokalari egongo dira.
- Defendatzaileak baloia berreskuratzean (kanasta ondoren, errebotea hartzean edo baloia lapurtzean) fondoa zain dauden hiru jokalariei pasako die baloia.
- Ondoren beste aldean berriz ere 3×2 jokatuko dute, kasu honetan defendatzaileak aurreko erasoan jaurti ez duten bi jokalariak izango dira.
6. Joko erreala
Norentzat errebotea?
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 8 min
Materiala: 3 baloi eta 3 kono
Jarraibideak:
- 3 konoek jokalariak egongo diren postuak definituko dituzte.
- Jaurtiketa libreen altueran baloia duten jokalariak egongo dira eta gainontzekoak saski azpiko konoetan.
- Jokoa baloia duenak jaurtiketa bat egitean hasiko da, non azpiko bi konoetako aurrenengoek jaurtiketa horren errebotea borrokatuko duten.
- Errebotea hartzen duenak berriz ere baloia jaurtiketa egin duenari pasako dio. Bi hauek erasotzaile izatera pasako dira, eta errebotea hartu ez duenak defendatu egingo du, 2x1eko egoera jokatuz.
Aldaerak:
- Kantxa erdia erabili beharrean, kantxa laurdenean egin, espazioa mugatuaz.
7. Joko erreala
Baloirik gabe
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 8 min
Materiala: 2 baloi eta 2 kono
Jarraibideak:
- Fondoan bi kono kokatuko ditugu, eta kono bakoitzean bikote bat jarriko da, gainontzekoak 6,25 metrotan ilaran kokatuko dira.
- Azken ilara honetakoak baloiak izango dituzte, eta begiraleak ba esatean bikote bakoitza 6, 25 metrora irtengo da, batek baloia eskatu eta erasotzeko aukera izango duelarik, eta besteak defendatu egin beharko du.
- Honela momentu berean 1x1eko bi aukera jokatzen egongo gara, kantxa erdiaren bi aldetan. Defendatu ondoren eraso egingo dugu, erasotzetik ilarara joango gara, eta ilaratik defendatzera.
Aldaerak:
- 1×1 egoera jolastu beharrean 2×2 egoera jolastu, erasotzen duten bitako bati pasatuaz baloia.
8. Joko erreala
Trantsizioak
Maila: L.H. 3, 4, 5, 6
Taldekatzea: Talde osoa
Eremua: Kantxa osoa
Denbora: 10 min
Materiala: Baloi bat
Jarraibideak:
- Ariketan zehar 4×3, 3×2 eta 2×1 egoerak jokatuko ditugu.
- Lehendabizi 4x3koarekin hasiko gara, non helburua jokalari libre batek jaurtiketa egitea izango den.
- Ondoren defendatu duten jokalariak erasotzera pasako dira, eta jaurtiketa egin duenak eta hori egiteko pasea eman dionak defendatu egingo dute. Eraso eta defentsa hauek beste aldeko saskian egingo dira, 3x2ko egoera jokatuz.
- Azkenik 2x1eko egoera izango dute, non hasierako kanastan aurreko bi defendatzaileek eraso egingo dute. Aurreko akzioan jaurtiketa egin duenak berriz oraingo honetan defendatu egingo du.
9. Joko erreala
4x4
Maila: L.H. 3, 4, 5, 6
Taldekatzea: Talde osoa
Eremua: Kantxa erdia
Denbora: 10 min
Materiala: Baloi bat
Jarraibideak:
- Lauko hiru talde egingo dira eta 4×4 egoera jokatuko dute kantxa erdian, talde bat kanpoan itxaroten egongo da bitartean.
- Partidua saskiratze batera izango da, saskiratzea lortu ez duen taldea kanpora joango delarik. Hurrengo partiduan kanpotik datorren taldea hasiko da erasotzen.
- Partiduan zehar jokalari guztiek baloia behin ukitzea derrigorrezkoa izango da saskiratzeak balio izateko, eta gutxienez 6 pase eman beharko dira saskiratzea sartu aurretik.
Aldaerak:
- Bote kopurua mugatu daiteke, pase mota desberdinak erabiltzera derrigortu…
10. Joko erreala
3x3 osoan
Maila: L.H. 3, 4, 5, 6
Taldekatzea: Hiruko taldeak
Eremua: Kantxa osoa
Denbora: 10 min
Materiala: Baloi bat
Jarraibideak:
- Hiruko lau talde egingo dira eta 3×3 egoera jokatuko dute kantxa osoan.
- Talde bat erasotzen hasiko da, bestea defendatzen, eta beste biak bandetan egongo dira, bat kantxaren alde batean eta bestea bestean.
- Errotazio sistema honako hau izango da: eraso egin ondoren kantxaren beste aldean defendatu, defendatu ondoren kanpora eta kanpotik erasotzera kantxaren beste aldera.
- Jokalari bakoitzak baloia hartzen duenean gehienez bi bote egiteko aukera izango du.
Aldaerak:
- Bote kopurua mugatu daiteke, pase mota desberdinak erabiltzera derrigortu…