1. Beroketa
Hirukitruki
Maila: L.H. 3, 4, 5, 6
Taldekatzea: Hirunaka
Eremua: zelai erdia (20 x 20)
Denbora: 5-8 min
Materiala: baloi 1 hirukoteko
Jarraibideak:
- 2 haur baloi batekin paseak egiten joango dira mugatutako eremutik eta hirugarren haur bat harrapatu beharko dute. Botea ematea ere baimenduta dago.
- Harrapatzeko baloia eskuan dutela ukitu beharko dute iheslaria. Iheslaria harrapatzen dutenean haur harrapatzaile bihurtuko da eta harrapatu duenak iheslari rola hartuko du.
Aldaerak:
- Boterik gabe, paseak soilik erabiliz
2. Beroketa
Kono-kono
Maila: L.H. 3, 4, 5, 6
Taldekatzea: Hirunaka
Eremua: zelai erdia (20 x 20)
Denbora: 5-8 min
Materiala: 4 baloi, 8 kono edo txino
Jarraibideak:
- Begiraleak hiruko taldeak egingo ditu.
- Talde bakoitzak baloi bat izango du. Bi taldekide alboko marran jarriko dira eta bestea beraien parean kontrako alboko marran.
- Zelai erdian 2 kono egongo dira eta haurrek baloia jaurtiz konoa botatzen saiatuko dira
Aldaerak:
- Baloia botatzea aurako alboko marrara joan korrika eginez. Honetarako baloia bi kide dauden tokitik hasiko gara botatzen.
3. Beroketa
Baloi salbatzailea
Maila: L.H. 3, 4, 5, 6
Taldekatzea: talde osoa
Eremua: zelai osoa
Denbora: 5-8 min
Materiala: 3 baloi eta 3 kono
Jarraibideak:
- Haurrak zelaitik banatuko dira eta harrapatzaile bat egongo da. Harrapatzaileak kono bat izango du eskuan nor den jakiteko.
- Iheslariek 3 baloi izango dituzte. Baloiak beraien artean paseak egiten erabili beharko dituzte eta baloidunari ezin izango dio harrapatu harrapatzaileak.
- Harrapatua izaten denak konoa hartuko du eta harrapatzaile izango da.
Aldaerak:
- Harrapatzaile gehiago.
- Baloi gehiago.
4. Beroketa
Katebaloi
Maila: L.H. 3, 4, 5, 6
Taldekatzea: talde osoa
Eremua: zelai erdia
Denbora: 5-8 min
Materiala: taldekide kopuruaren arabera
Jarraibideak:
- Haurrak zelai osoan banatuko dira eta harrapatzaile bat egongo da eskutan baloi batekin.
- Harrapatzen duena kateatuta geldituko da berarekin eta bakoitzak baloiari alde batetik eusten beste iheslariak harrapatzera joan beharko dute.
- Hirrugarren bat harrapatzen dutenean, zelai erditik baloi bat hartuko dute eta katean jarriko dira hirurak. Behin laugarren bat harrapatutakoan katea bitan banatuko da.
5. Beroketa
Stop
Maila: L.H. 3, 4, 5, 6
Taldekatzea: talde osoa
Eremua: zelai erdia
Denbora: 5-8 min
Materiala: 4 baloi
Jarraibideak:
- Harrapatzaile bat egongo da kono batekin eskuan. Baten bat harrapatua izaten bada konoa berari emango dio eta harrapatzaile bilakatuko da.
- Iheslariek STOP! esaten baduten eskuak eta hankak irekita geldirik jarri beharko dute.
- Iheslariek 4 baloi izango dituzte mugimenduan eta STOP! egoeran daudenak libratzeko hanka azpitik baloia pasatu beharko diote
Aldaerak:
- Baloia hanka azpitik pasatzerakoan iheslari batek beste bati pasatu beharko dio.
6. Beroketa
Armiarma
Jarraibideak:
- Haurrak zelaiaren alde batean jarriko dira eta harrapatzailea beste aldean baloi batekin.
- Iheslariek korrika zelaiaren alde batetik bestera pasatu beharko dute. Harrapatzaileak aurkako norabidean gauza bera egin beharko du baloiarekin boteak emanez eta iheslariak harrapatuz.
- Harrapatua izaten dena harrapatutako tokian geldirik geratuko da denak harrapatu arte.
Aldaerak:
- Harrapatuek beraien tokitik mugitu gabe ondotik pasatzen diren iheslariak ukitzen badituzte harrapatuak bilakatuko dituzte.
- Harrapatuek baloi bat hartu eta harrapatzaile bihurtu.
7. Beroketa
Erdikoari
Maila: L.H. 3, 4, 5, 6
Taldekatzea: bi talde
Eremua: zelai erdia
Denbora: 5-8 min
Materiala: baloi 1
Jarraibideak:
- Haurrak bi taldetan banatuko dira, 5 erasoan eta 4 defentsan. Erasoko 4 izkinetan banatuko dira karratu bat osatuz eta beste bat karratuaren erdian.
- Erasokoek beraien artean paseak eginez erdiko lagunari pasatu beharko diete baloia. Defentsakoek hau ekidin beharko dute.
- Defentsakoak erasora pasatzeko erasoko batek baloia duenean berari ukitu edo baloia moztu beharko dute.
Aldaerak:
- Jokalari kopuru gehiago.
- Bi baloi.
8. Beroketa
Komekoko
Maila: L.H. 3, 4, 5, 6
Taldekatzea: talde osoa
Eremua: zelai erdia
Denbora: 5-8 min
Materiala: 2 baloi
Jarraibideak:
- Harrapatzaileak baloia izango du eskuan. Bai harrapatzaileak bai iheslariak marra ezberdinetan jokabide ezberdinak izango dituzte. Hau da, marra jarraitik albozkako desplazamentua egin beharko dute. Tik-tak marratik aldiz korrika normal eta marra borobiletik hanka batean.
9. Beroketa
Baloi eseria
Maila: L.H. 3, 4, 5, 6
Taldekatzea: talde osoa
Eremua: zelai erdia
Denbora: 5-8 min
Materiala: 3 baloi
Jarraibideak:
- Harrapatzaile bat egongo da kono bat eskuetan hartuta. Besteak iheslariak izango dira.
- Iheslariek 3 baloi izango dituzte. Baloiak iheslariek beraien artean paseka ibili beharko dituzte. Baloidun jokalariak harrapatuak izan daitezke.
- Harrapatua izaten denak lurrean eseri beharko du. Lurrean daudenek libratzeko aukera dute baten batek lurretik baloi bat hartzea lortzen badu eta lurrekoen artean pasatzen badira.
- Harrapatzaileak iheslari guztiak eserita uzten dituenean amaituko da.