1. Jaurtiketa
Eremu debekatua
Maila: L.H. 3, 4, 5, 6
Taldekatzea: 2 talde
Eremua: Zelai erdia
Denbora: 5-8 min
Materiala: 4 baloi eta txinoak
Jarraibideak:
- Talde bat ateko marraren gainean kokatuko da eta bestea zelai erdiko marraren gainean. Begiraleak erdialdean txinoen bitartez 4-6 m zabalerako pasillo bat eratuko du, eremu debekatua izango dena.
- Taldeek baloiak alde batetik bestera jaurti behar dituzte, eremu debekatuan boterik jo gabe eta zelaiko mugak igaro gabe.
- Baloia beste aldera jaurtitzea lortzen duen taldeak puntuak lortuko ditu. Baloia eskuan hartu, botea eman eta ondoren jaurtiz gero puntu 1, baloia lurretik zuzenean jaurtiz gero 2 puntu.
- Taldekide guztiek jaurtiketa kopuru berdina derrigorrez.
Aldaerak:
- Bi taldeen arteko distantzia eta eremu debekatua handitu edo txikitu daiteke.
2. Jaurtiketa
Jaurti, baloia jaso
Maila: L.H. 3, 4, 5, 6
Taldekatzea: Hiruko taldeak
Eremua: Zelai erdia
Denbora: 5-8 min
Materiala: 4 baloi eta txinoak
Jarraibideak:
- Begiraleak konoen bitartez 3-4 m zabalerako 4 ate jarriko ditu eta hiruko taldeak osatuko ditu.
- Ate bakoitzaren atzean taldekide bat jarriko da eta handik 8-10 metrotara beste bi taldekideak.
- Haur batek jaurtiketa egin ondoren atearen atzera joango da. Atearen atzean dagoen taldekideak baloia jaso eta beste taldekideari pasako dio eta bere atzean jarriko da.
- Gola sartzen duen taldeak puntu bat bilduko du.
Aldaerak:
- Atearen neurriak eta jaurtiketaren distantziak alda daitezke.
3. Jaurtiketa
Karratutik jaurti
Maila: L.H. 3, 4, 5, 6
Taldekatzea: Hiruko taldeak
Eremua: Zelai erdia
Denbora: 5-8 min
Materiala: 4 baloi, 8 kono eta 16 txino
Jarraibideak:
- Begiraleak hiruko taldeak osatuko ditu eta taldekide bakoitzari zenbaki bat ematen dio.
- Begiraleak konoen bitartez 3-4 m zabalerako 4 ate jarriko ditu eta bakoitzaren parean, 8-10 m ingurura, 3 x 3 m-ko karratu bat osatuko du txinoekin.
- Taldeak karratuaren barruan paseka arituko dira. Begiraleak zenbaki bat esatean, zenbaki hori duten haurrek atera jaurtiko dute eta ahalik eta azkarren baloia jaso eta beraien taldekideengana itzuliko dira.
- Gola sartzen duen taldeak puntu bat bilduko du.
Aldaerak:
- Atearen neurriak, karratuaren neurriak eta jaurtiketaren distantziak alda daitezke.
- Karratu barruko paseak, 2 ikututara, bakarrera… izan daitezke.
4. Jaurtiketa
Baloi geldian
Maila: L.H. 3, 4, 5, 6
Taldekatzea: 2 talde
Eremua: Zelai erdia
Denbora: 5-8 min
Materiala: 4 baloi
Jarraibideak:
- Begiraleak bi talde egingo ditu.
- Talde bakoitzetik haur bat atean jarriko da eta besteak 8-12 m-ra kokatuko dira.
- Lehenengo talde bateko partaideek, eta ondoren besteek, atean beste taldeko atezaina izanik, jaurtiketak egingo dituzte baloi geldian.
- Jokalari bakoitzak 3 jaurtiketa egingo ditu eta guztien artean sartutako golak kontatuko dituzte.
Aldaerak:
- Jaurtiketaren distantzia alda daiteke.
- Jaurtiketa kopuru baten ondoren, atezaina alda daiteke.
5. Jaurtiketa
Puntuak bilduz
Maila: L.H. 3, 4, 5, 6
Taldekatzea: 3 talde
Eremua: Zelai erdia
Denbora: 5-8 min
Materiala: 4 baloi eta 2 kono
Jarraibideak:
- Begiraleak hiru talde egingo ditu eta ate baten barruan bi kono jarriko ditu, zutoinetatik distantzia jakin batera.
- Taldeak atetik 8-12 metrotara jarriko dira. Talde bakoitzak 3 minutu izango ditu jolaserako eta ahalik eta puntu gehien biltzea izango da helburua.
- Taldekideek, txandaka, baloia atera jaurtiko dute eta kokapenaren arabera puntuazio bat emango zaie: zutoin eta konoen artean sartuz gero, puntu 1; langatik gora botaz gero, 2 puntu; eta langa joz gero 3 puntu.
- Begira dauden taldeak, puntuazioa kontatuko dute.
Aldaerak:
- Jaurtiketaren distantzia eta denbora alda daitezke.
- Baloiak zutoina jotzen duenean ere puntuazio bat eman dakioke.
6. Jaurtiketa
Jaurtiketa urrunduz
Maila: L.H. 3, 4, 5, 6
Taldekatzea: Talde osoa
Eremua: Zelai osoa
Denbora: 5-8 min
Materiala: 4 baloi eta 6 kono
Jarraibideak:
- Taldea bitan banatuko da, erdiak ate batean eta besteak beste atean jolastu ahal izateko. Begiraleak ate bakoitzaren parean hiru kono jarriko ditu ilaran, batetik bestera distantzia bat utziz.
- Ate bakoitzean atezain bat jarriko da. Beste guztiak atetik gertuena dagoen konoan kokatuko dira. Txandaka, jaurtiketa egingo dute.
- Gola sartzen duena, bigarren konora pasako da; sartzen ez duena berriz, atezain jarriko da. Atetik irtetea tokatzen zaion partaidea, lehenago jaurtiketa egin duen leku berdinera joango da, beste saiakera bat egitera.
- Jokalari batek hirugarren konotik gola sartzen duenean, zelai erdiko marrara pasako da. Kanpo erditik, atezainik gabe, baloia airean sartu beharko du atean.
Aldaerak:
- Jolasa errazteko, jaurtiketa guztiak atezainik gabe egin daitezke edota kanpo erdiko jaurtiketa lurretik.
- Bi ate ez baditugu, talde osoak ate bakarrean jolastu beharko luke.
7. Jaurtiketa
Pareta
Maila: L.H. 3, 4, 5, 6
Taldekatzea: 3 talde
Eremua: Zelai osoa
Denbora: 5-8 min
Materiala: 4 baloi
Jarraibideak:
- Begiraleak hiru talde egingo ditu. Talde bat atean jarriko da. Beste bat atetik 8-12 metrotara eta azkeneko taldea pareta emateko posizioan, hauengandik 2-3 metrotara.
- Atearen parean dagoen taldeko partaide batek, baloia pareta egin behar dionari pasako dio. Honek itzuli eta lehenengoak jaurtiketa egingo du.
- Atezainak baloia jaso eta jaurtitzaileari pasako dio. Atezaina pareta egiten jarriko da eta pareta egiten dagoena jaurtitzaile izatera pasako da. Mugimendu hau egiteko garaia zaindu behar da bereziki, partaideek beste taldeen jaurtiketa ekidin ez dezaten.
- Talde bakoitzak sartutako golak kontatuko ditu.
Aldaerak:
- Distantziak alda daitezke.
8. Jaurtiketa
Baloia gelditu eta jaurti
Maila: L.H. 3, 4, 5, 6
Taldekatzea: 4 talde
Eremua: Zelai erdia
Denbora: 5-8 min
Materiala: 4 baloi
Jarraibideak:
- Begiraleak lau talde egingo ditu.
- Atean talde bakoitzeko taldekide bat jarriko da. Atearen marraren gainean baina zutoinetik 4 metrotara beste taldekide bat. Atetik aurrera, 8-12 metrotara, beste bi taldekideak jarriko dira, beraien artean 4 metro utziz.
- Zutoinetik distantzia batera dagoen taldekideak, diagonalean dagoen bere taldekideari pasako dio baloia, honek baloia gelditu eta alboko lagunari pasako dio. Baloia gelditu ondoren, atera jaurtiko du gola sartzeko asmoz.
- Jaurtiketa bakoitzaren ondoren, taldekide guztiak, atezaina barne, lekuz aldatuko dira, eskuineko posiziora pasaz. Mugimendu hau egiteko garaia zaindu behar da bereziki, partaideek beste taldeen jaurtiketa ekidin ez dezaten.
- Talde bakoitzak sartutako golak kontatuko dituzte.
Aldaerak:
- Distantziak eta kontrolak alda daitezke.
9. Jaurtiketa
Azkarrenak jaurti!
Maila: L.H. 3, 4, 5, 6
Taldekatzea: Talde osoa
Eremua: Zelai erdia
Denbora: 5-8 min
Materiala: 2 baloi
Jarraibideak:
- Begiraleak hiru talde egingo ditu eta bakoitzari zenbaki bat emango dio.
- Begiralea zelai erdian kokatuko da baloiarekin. Talde bat atean jarriko da eta beste bi taldeak begiraleen alde banatan kokatuko dira, marraren gainean eserita, eta atearekiko bizkarka jarrita.
- Begiraleak zenbaki bat esaten duenean, baloia ate aldera botako du. Lurrean eserita dauden eta zenbaki hori duten bi taldeetako partaideak jaiki eta baloiaren bila joan beharko dute. Lehenengo iristen den jokalariak baloia atera jaurtiko du. Ondoren, atezaina aldatuko da.
- Talde bakoitzak sartutako golak kontatuko ditu eta zenbaki guztiak irten ondoren, gol gutxien sartu dituen taldea atezain izatera pasako da eta atezain taldeak beste taldearen aurka jolastuko du.
Aldaerak:
- Hiru taldez ordez, bi talde soilik eta atezainik gabe.
10. Jaurtiketa
Penaltika 5 bizitzarekin
Maila: L.H. 3, 4, 5, 6
Taldekatzea: 2 talde
Eremua: Zelai osoa
Denbora: 5-8 min
Materiala: 4 baloi
Jarraibideak:
- Taldea bitan banatuko da, erdiak ate batean eta besteak beste atean jolastu ahal izateko. Ate bakoitzean atezain bat jarriko da eta gainontzekoak penalti puntutik atzera jarriko dira.
- Lehenengo jokalariak penaltia jaurtiko du. Gola sartuz gero, baloia jaso eta ilaran azkena jarriko da. Gola ez badu sartzen, atezain jarriko da eta atezain zegoenak baloia jaso eta ilaran azkena jarriko da.
- Jokalari bakoitzak bost bizitza izango ditu. Atezain dagoenak, sartzen dioten gol bakoitzarengatik bizitza bat galduko du.
- Jokalari batek bizitza guztiak galtzen dituenean, kanpora irten beharko du.
Aldaerak:
- Bi ate ez baditugu, talde osoak ate bakarrean jolastu beharko du.