1. Pasea
Lokotxak paseka
Maila: L.H. 3, 4, 5, 6
Taldekatzea: Lauko taldeak
Eremua: Zelai osoa
Denbora: 5-8 min
Materiala: 3 baloi, 16 txino eta 12 uztai
Jarraibideak:
- Begiraleak lauko taldeak egingo ditu eta talde bakoitzarentzat uztai ilara bat jarriko du.
- Talde bakoitzetik bikote bana aterako da, txandaka, txino bat eskuan harturik eta paseka joanez, uztai baten barruan utziko dute txinoa eta berriro baloiarekin taldekideengana itzuliko dira erreleboa emanez.
- Uztai guztiak betetzen dituztenean, berdina egingo dute baina oraingoan txinoak jasoaz.
Aldaerak:
- Uztai eta txino kopurua aldatu daiteke.
2. Pasea
Painuelitoka paseka
Maila: L.H. 3, 4, 5, 6
Taldekatzea: 2 talde
Eremua: Zelai osoa
Denbora: 5-8 min
Materiala: 2 baloi eta 6 uztai
Jarraibideak:
- Begiraleak zelai erdian 4 uztai jarriko ditu. Bi talde egin eta zelaiaren bi ertzetan kokatuko ditu eta beraien aurrean uztai bat jarriko du baloi batekin. Taldekide bakoitzari zenbaki bat emango dio.
- Begiraleak bi zenbaki esatean, zenbaki horiek dituzten bi taldetako partaideak baloia hartu eta beraien artean paseak eginez erdian dauden uztairen batean utziko dute baloia eta hasierako lekura itzuliko dira.
- Hurrengo zenbakiak esatean, partaideek erdiko uztaietako baloia hartu eta paseka taldeko uztaira ekarri beharko dute.
- Kasu bakoitzean, lehenengo iristen den bikotearen taldeak puntu bat jasoko du.
3. Pasea
Pasa eta mugitu
Maila: L.H. 3, 4, 5, 6
Taldekatzea: Talde osoa
Eremua: Zelai osoa
Denbora: 5-8 min
Materiala: 3 baloi eta 6 txino
Jarraibideak:
- Begiraleak zelaian txinoak jarriko ditu 2 ilaratan, ilara artean 8-12 metroko tartea utziz eta ilara bakoitzean 3 txino parean jarriz. Ilara batean baloiak egongo dira.
- Txino bakoitzean bi lagun kokatuko dira, beste ilarakoei begira. Baloia pareko lagunari pasa ondoren, eskuineko/ezkerreko konora mugituko dira (azkeneko postukoak lehenengora joan beharko du). Eskuinera mugitu behar dutenek, pasea eskuineko oinarekin egin behar dute eta alderantziz, beste ilarakoek ezkerreko oinarekin.
- Postu bakoitzean pare bat pase egin ondoren, haurrak ilaraz aldatuko dira.
Aldaerak:
- Ilaren artean utzitako tartearen arabera jolasaren zailtasuna alda daiteke.
4. Pasea
Paseak atetik
Maila: L.H. 3, 4, 5, 6
Taldekatzea: Talde osoa
Eremua: Zelai osoa
Denbora: 5-8 min
Materiala: 2 baloi eta 6 txino
Jarraibideak:
- Begiraleak zelaian txinoak erabiliz 3 ate jarriko ditu. Ate bakoitzaren bi aldeetan, 8-12 metroko tartea utziz, bi haur jarriko dira.
- Haurrak baloia pareko lagunari pasa behar dio, atetik pasa ondoren. Horrek baloia kontrolatu eta parean dagoen beste lagunari pasa beharko dio, berriro atetik pasata.
- Pasea atearen barrutik egitea lortzen duten bakoitzean puntu bat kontatuko dute. Jolasa talderen batek 15-20 puntu lortzean bukatuko da.
Aldaerak:
- Atearen tamaina eta taldeen artean utzitako tartearen arabera, jolasaren zailtasuna alda daiteke baita ikutuetan ere kontrola eta pasea adibidez.
5. Pasea
Koloretako uztaiak
Maila: L.H. 3, 4, 5, 6
Taldekatzea: Hiruko taldeak
Eremua: Zelai osoa
Denbora: 5-8 min
Materiala: 4 baloi eta koloretako uztaiak
Jarraibideak:
- Begiraleak zelaian zehar kolore ezberdinetako uztaiak banatuko ditu eta hiruko taldeak osatuko ditu.
- Talde bakoitza zelaian zehar mugituko da paseak eginez. Begiraleak “gorria!” esatean, talde bakoitzak baloia uztai gorri baten barrura eraman beharko dute.
Aldaerak:
- Kolore berdineko uztai kopuruaren arabera zailtasuna alda daiteke.
6. Pasea
Paseak diagonalera
Maila: L.H. 3, 4, 5, 6
Taldekatzea: Talde osoa
Eremua: Zelai erdia
Denbora: 5-8 min
Materiala: 2 baloi
Jarraibideak:
- Begiraleak zelai erdiaren lau izkinetan txino bana kokatuko du, karratu bat osatuz. Izkina bakoitzean hiru lagun jarriko dira. Bi taldeek baloia izango dute.
- Baloia duten bi haurrek diagonalean dauden lagunari pasa behar diote, baloi batek bestea jo gabe.
Aldaerak:
- Pasea egin ondoren, lekuz mugitu beharko dute, baloia pasa duten lekura edo eskuinaldera mugituz.
- Paseak bi oinak erabiliz egin daitezke.
- Paseak toke bakar edo bi toketan egin daitezke.
7. Pasea
Boloak
Maila: L.H. 3, 4, 5, 6
Taldekatzea: 2 talde
Eremua: Zelai erdia
Denbora: 5-8 min
Materiala: Baloi bat eta konoak
Jarraibideak:
- Talde erdia ateko marraren gainean kokatuko da eta beste erdia zelai erdiko marraren gainean. Begiraleak, bi taldeen erdian konoak jarriko ditu.
- Baloiak alde batetik bestera pasatzean, erdian kokaturik dauden konoak botatzea izango da helburua. Konoa jotzen duen taldeak puntu bat bilduko du eta konoa tente jarri beharko du.
Aldaerak:
- Konoen arteko eta konoetarainoko distantzia alda daiteke.
8. Pasea
Futbol-beisbola
Maila: L.H. 3, 4, 5, 6
Taldekatzea: 2 talde
Eremua: Zelai erdia
Denbora: 5-8 min
Materiala: Baloi bat eta konoak
Jarraibideak:
- Begiraleak bi talde egingo ditu eta zelai eremuan eta 15 bat metroko distantzian 4 base (txino) kokatuko ditu.
- Talde bat atearen atzean kokatuko da eta bestea eremuan zehar banatuko da.
- Eremuan zehar banatuta dagoen taldeko partaide batek ate atzean dagoen bati baloia pasako dio eta honek baloia jaurti eta base batetik bestera korrika egingo du. Beste taldekoak baloia hartu eta ahalik eta azkarren atearen barruan sartu beharko dute. Baloia atera sartzen dutenean, beste taldekoak base batean egon beharko dute, tartean baldin badaude kaleratuak izango baitira.
- Taldekide guztiak baloia jaurtitzen dutenean, guztira egindako karrera kopurua kontatuko da eta taldeak lekuz aldatuko dira.
Aldaerak:
- Txino kopurua alda daiteke, baita horien arteko distantzia ere.
- Baloia jaso eta atera eramateko garaian baldintzak alda daitezke: paseak eginez sartu behar da atean edo atean sartu aurretik taldekide guztiek ukitu behar dute baloia,atezaina jarri daiteke jaurtitzen duen taldean.
9. Pasea
Txokeak ekidituz
Maila: L.H. 3, 4, 5, 6
Eremua: Zelai erdia
Denbora: 5-8 min
Materiala: 4 baloi
Jarraibideak:
- Haurrak (bi izan ezik) hiru ilaratan hiru baloirekin jarriko dira parez pare, 10 bat metrotara. Ilaren erdi parean, bi alboetan, bikote bat jarriko da eta etengabe baloia alde batetik bestera pasatzen arituko dira.
- Ilaratako haurrek baloia alde batetik bestera pasa beharko dute baina zeharka dabilen baloia jo gabe.
- Baloiren batek besteren bat ukitzen duenean, alboetan dagoen bikotea aldatu egingo da.
Aldaerak:
- Paseen distantzia alda daiteke.
10. Pasea
Baloia lapurtzen
Maila: L.H. 3, 4, 5, 6
Eremua: Zelai erdia
Denbora: 5-8 min
Materiala: Baloi bat
Jarraibideak:
- Talde bat ateko marraren gainean kokatuko da eta bestea zelai erdiko marraren gainean. Erdialdean beste lagun bat kokatuko da eta eremutik kanpo beste bat, zain.
- Taldeek baloia alde batetik bestera eraman behar dute beraien artean paseak eginez. Bitartean, erdian dagoen partaidea baloia lapurtzen saiatuko da.
- Taldeek txandaka egingo dituzte saiakerak eta saiakera bakoitzean baloia mozten dabiltzan bi haurrak txandakatzen joango dira.
- Baloia beste aldera eramatea lortzen duen taldeak puntu bat bilduko du. Talde batek bost puntu lortzen dituenean, beste taldeko bi lagun erdira pasako dira eta erdikoak talde horretako partaide izatera pasako dira.
Aldaerak:
- Bi taldeen arteko distantzia alda daiteke.
- Baloia mozten duten haurren kopurua alda daiteke.